Salyq tóleýden jaltarǵan astanalyq kásipker sottaldy
2022 jylǵy 5 shilde 20:20

Salyq tóleýden jaltarǵan astanalyq kásipker sottaldy

NUR-SULTAN. QazAqparat – Elordalyq kásipker salyq tóleýden jaltaryp, bıýdjetke 138,5 mln teńge shyǵyn keltirgeni úshin sottaldy, dep habarlaıdy QazAqparat tilshisi.

«4 shildede Nur-Sultan qalasy Baıqońyr aýdanynyń №2 soty «JılOtdelStroı» JShS basshysyna qatysty aıyptaý úkimin jarııalady. Seriktestik basshysy jumysty oryndaý jáne qyzmet kórsetý shyǵynyna qatysty deklaratsııaǵa jalǵan derekterdi engizý arqyly bıýdjetke salyq tóleýden jaltarǵany úshin aıyptaldy. Ol 138,5 mln teńge kóleminde zalal keltirgen», - dep habarlady qalalyq sottyń baspasóz qyzmeti.

Aıyptalýshy QR QK-niń 245-baby 2-bóligi 1-tarmaǵymen sottaldy. Ol boıynsha 4 jylǵa deıin bas bostandyǵynan aıyrý jazasy kózdelgen. Sotta naqtylanǵanyndaı, jeńildetetin mán-jaı bolsa nemese aýyrlatatyn mán-jaı bolmaǵan jaǵdaıda, jaza eń joǵarǵy merzimniń jartysynan, ıaǵnı 2 jyldan aspaıdy.

Sot aıyptynyń óz isine ókinýin jáne jas balalarynyń bolýyn jeńildetetin jaǵdaı dep tanydy. Aýyrlatatyn jaǵdaı joq.

Jaza taǵaıyndaý kezinde sot «raqymshylyq jasaý týraly» zańdy qoldanyp, zań talaptaryn eskere otyryp, aýyrlyǵy ortasha qylmys jasaǵany úshin jaza merzimin jartylaı qysqartty. Sondaı-aq, 1 jyl bas bostandyǵynan aıyrý jazasyn túpkilikti taǵaıyndady.

Sonymen qatar, aıyptalýshy K-dan memleket kirisine tólenbegen 138,5 mln teńge salyq óndirildi.

Úkim zańdy kúshine engen joq.


Uqsas jańalyqtar

Jańalyqtar

Úrdis

MURAǴAT