+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Salyq raqymshylyǵy aıasynda zańdy tulǵalar 3,5 mlrd teńge bereshegin ótedi

2019 jylǵy 17 qyrkúıek 16:03
Bólisińiz:
Salyq raqymshylyǵy aıasynda zańdy tulǵalar 3,5 mlrd teńge bereshegin ótedi

NUR-SULTAN. QazAqparat – Salyqqa jarııalanǵan raqymshylyq aıasynda zańdy tulǵalar 3,5 mlrd teńge bereshegin ótedi. Raqymshylyq sharasyna qatysqan jalpy salyq tóleýshilerdiń 30 paıyzǵa jýyǵy tólemdi sońǵy apta ishinde jasaǵan, dep habarlaıdy QazAqparat tilshisi.

Uqsas jańalyqtar
Salyq boıynsha qaryzdy óteý úshin 13 kún qaldy Salyq raqymshylyǵy: Qazaqstandyqtar 13 mlrd teńgege jýyq salyq bereshegin ótedi Salyqty tóleýge asyqpaıtyn memqyzmetshilerdiń reıtıngi jasaldy

QR QM Memlekettik kirister komıtetiniń dereginshe, raqymshylyqqa shamamen 1,4 mln adam iligedi. Atalǵan jeke tulǵa 13,9 mlrd teńge somasyndaǵy negizgi qaryzdaryn ótegen jaǵdaıda 6,14 mlrd teńge ósimpuldan qutylady. Jeke kásipker retinde tirkeý esebinde turmaǵan jeke tulǵalardyń tizimi bekitildi.

Olarda 15 jyldan astam ýaqyt boıy jınaqtalyp qalǵan qate salyqtyq bereshek bar jáne olar shyǵynǵa jatqyzylýy tıis. Tizimge engen 2 980 jeke tulǵanyń 100 mln teńge salyq bereshegi bar. Atalǵan somanyń 52,2 mln teńgesi negizgi salyq bolsa, ósimpuly 47,8 mln teńgeni quraıdy.

«Búgingi kúni 177 065 jeke tulǵanyń ósimpuly shyǵynǵa jazyldy. Jyl basynan beri olar 3,5 mlrd teńge negizgi qaryzyn ótep, 875,2 mln teńge kólemindegi ósimpul shyǵynǵa jatqyzyldy», - dep atap ótedi komıtetten.

Taratylǵan aqparatqa sáıkes, salyqtyq mindettemelerin oryndaýda Almaty qalasynyń (35 111), Qostanaı (27 587) jáne Túrkistan (12 777) oblystarynyń jeke tulǵalary belsendilik tanytyp otyr. Al salyqtyq bereshegin az ótegender qatarynda SQO (3 700), BQO (1 999) jáne Qyzylorda oblystarynyń (1 549) jeke tulǵalary bar.

Almaty qalasynyń turǵyndary 1 mlrd 979 mln 300 myń teńge, Nur-Sultan qalasy turǵyndary 185 mln 200 myń teńge, Almaty oblysynyń turǵyndary 161 mln 900 myń teńge salyq bereshekterin ótegen. Salyq bereshegi az ótelgen óńirlerdiń qatarynda Qyzylorda (70,3 mln), Qaraǵandy (57,5 mln) jáne Batys Qazaqstan oblystary (53,1 mln) bar.

Shyǵynǵa jazylǵan eń úlken ósimpul somasy (362,3 mln) da Almaty qalasyna tıesili. Al Pavlodar oblysynda 143,2 mln, Almaty oblysynda 47,2 mln teńge ósimpul shyǵynǵa jazylǵan.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT