+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Salyq pen tólemderdi esepteýde aılyq eseptik kórsetkish qalaı qoldanylady

2020 jylǵy 27 sáýir 10:08
Bólisińiz:
Salyq pen tólemderdi esepteýde aılyq eseptik kórsetkish qalaı qoldanylady

NUR-SULTAN. QazAqparat - 1 sáýirden bastap aılyq eseptik kórsetkishtiń ózgerýine baılanysty Memlekettik kirister komıteti salyqtar, alymdar men tólemderdi esepteýde qaı mólsherdegi AEK-ti negizge alý qajet ekendigine túsindirdi, dep habarlaıdy QazAqparat komıtettiń baspasóz qyzmetine silteme jasap.

Uqsas jańalyqtar
ShQO-da salyq tóleýden jaltarǵan kompanııa memleketke 1,9 mlrd teńge shyǵyn keltirgen Taýarlaryn elektrondy túrde ótkizetin sheteldik ınternet kompanııalar QQS tóleıtin bolady Qazaqstanda kólik salyǵyn tóleý merzimi ózgeredi

Qazaqstan Respýblıkasy Prezıdentiniń 2020 jylǵy 8 sáýirdegi № 299 «2020 jylǵa arnalǵan naqtylanǵan respýblıkalyq bıýdjet týraly» Jarlyǵyna sáıkes járdemaqylardy jáne ózge de áleýmettik tólemderdi esepteý, sondaı-aq Qazaqstan Respýblıkasynyń zańnamasyna sáıkes aıyppul sanktsııalaryn, salyqtardy jáne basqa da tólemderdi qoldaný úshin aılyq eseptik kórsetkish(AEK):

- 2020 jylǵy 1 qańtarynan bastap – 2 651 teńge;

- 2020 jylǵy 1 sáýirden bastap – 2 778 teńge bolyp belgilengen.

Kólik salyǵy

Salyq kodeksiniń 492-babynyń 3-tarmaǵyna sáıkes salyqty esepteý úshin respýblıkalyq bıýdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn AEK qoldanylady.

Osylaısha, 2020 jylǵa kólik quraldary salyǵyn esepteý úshin 2020 jyldyń 1 qańtaryna qoldanysta bolatyn AEK qoldanylady, ıaǵnı 2 651 teńge.

Alym, tólemaqy jáne bıýdjetke tólenetin basqa da mindetti tólemder

Salyq kodeksiniń 553, 557, 582 jáne 609-baptaryna sáıkes tirkeý alymdary, jekelegen qyzmet túrlerimen aınalysýǵa lıtsenzııalardy paıdalanǵany úshin tólemaqy, janýarlar dúnıesin paıdalanǵany úshin tólemaqy jáne memlekettik baj mólsherlemeleri respýblıkalyq bıýdjet týraly zańda belgilengen jáne osyndaı alymdardy tóleý kúnine qoldanysta bolatyn AEK-tiń eselengen mólsherde aıqyndalady.

Osylaısha, 2020 jylǵa alymdardy, jekelegen qyzmet túrlerimen aınalysýǵa lıtsenzııalardy paıdalanǵany úshin tólemaqyny, janýarlar dúnıesin paıdalanǵany úshin tólemaqyny jáne memlekettik bajdy esepteý úshin:

2020 jyldyń 1 sáýirine deıin tólengen jaǵdaıda – 2020 jylǵy 1 qańtarynan bastap qoldanysta bolǵan AEK (2 651 teńge);

2020 jyldyń 1 sáýirinde jáne keıin tólengen jaǵdaıda– 2020 jylǵy 1 sáýirden bastap qoldanysta bolatyn AEK (2778 teńge) qoldanylady.

Arnaýly salyq rejımin qoldaný boıynsha (ári qaraı – ASR)

Salyq kodeksiniń 683-babynyń 2-tarmaǵyna sáıkes shaǵyn bıznes sýbektilerine arnalǵan ASR mynadaı talaptarǵa sáıkes keletin:

patent negizinde – respýblıkalyq bıýdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn AEK-tiń 3 528 eselengen mólsherinen;

ońaılatylǵan deklaratsııa negizinde – respýblıkalyq bıýdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn AEK-tiń 24 038 eselengen mólsherinen;

tirkelgen shegerimdi paıdalanýmen – respýblıkalyq bıýdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn AEK-tiń 144 184 eselengen mólsherinen aspaıtyn.

Osylaısha, shaǵyn bıznes sýbektileri úshin ASR qoldaný maqsattary úshin shekti tabys 2020 jyldyń 1 qańtarynda qoldanysta bolatyn AEK, ıaǵnı 2 651 teńge qoldanylady.

Biryńǵaı jıyntyq tólem boıynsha (BJT):

Salyq kodeksiniń 774-babynyń 2-tarmaǵyna sáıkes BJT tóleýshiniń osy baptyń 1-tarmaǵynyń 3) tarmaqshasynda kórsetilgen qyzmet túrlerin júzege asyrý nátıjesinde alatyn kirisiniń kúntizbelik jyldaǵy mólsheri respýblıkalyq bıýdjet týraly zańda belgilengen jáne tıisti qarjy jylynyń 1 qańtaryna qoldanysta bolatyn AEK-tiń 1175 eselengen mólsherinen aspaýǵa tıis.

Máselen, BJT tóleýshiniń shekti tabysyn esepteý úshin 2020 jyldyń 1 qańtaryna qoldanystaǵy AEK qoldanylady, ıaǵnı 2 651 teńge (2020 jylǵa shekti tabystyń mólsheri - 3 114 925 teńge).

Sonymen birge, Salyq kodeksiniń 775-babynyń 2-tarmaǵyna sáıkesbir aıdaǵy BJT somasy respýblıkalyq jáne oblystyq mańyzy bar qalalarda, astanada – AEK-tiń 1 eselengen mólsherin jáne basqa eldi mekenderde AEK-tiń 0,5 eselengen mólsherin quraıdy.

Bul rette respýblıkalyq bıýdjet týraly zańda belgilengen jáne tıisti qarjy jylynyń 1 qańtarynda qoldanysta bolǵan AEK mólsheri qoldanylady.

Osylaısha, BJT somasy bir aı úshin qala turǵyndary úshin 1 AEK nemese 2 651 teńge, aýyl turǵyndary úshin - 0,5 AEK nemese 1 326 teńge.

Oıyn bıznesi salyǵy boıynsha

Salyq kodeksiniń 536-babynyń 2-tarmaǵyna sáıkes salyq mólsherlemesi respýblıkalyq bıýdjet týraly zańda belgilengen jáne salyqtyq kezeńniń 1-kúni qoldanysta bolatyn AEK mólsheri negizge alyna otyryp aıqyndalady.

Joǵaryda aıtylǵandardy eskere otyryp, Salyq kodeksiniń 537-babyna sáıkes oıyn bıznesi salyǵy boıynsha salyq kezeńi kúntizbelik toqsanǵa teń, onda bıylǵy jyldyń ekinshi toqsanynan bastap oıyn bıznes salyǵynyń somasyn aıqyndaý kezinde 2 778 teńge mólsherindegi AEK qoldanylady.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janat Qapalbaeva
Janat Qapalbaeva
954-059

MURAǴAT