+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

«Salyq ámııany» jáne API qyzmetter salyq tóleýdi jeńildetedi

2019 jylǵy 18 jeltoqsan 11:34
Bólisińiz:
«Salyq ámııany» jáne API qyzmetter salyq tóleýdi jeńildetedi

NUR-SULTAN. QazAqparat - Búgin Astana HUB ǵımaratynda QR Qarjy mınıstrligi júzege asyratyn Open API formatyndaǵy qyzmetterdiń, sondaı-aq «Salyq ámııany» júıesiniń aldyn ala kórsetilimi ótti. Bul jóninde Qarjy mınıstrliginiń baspasóz qyzmetine silteme jasap QazAqparat habarlaıdy.

Uqsas jańalyqtar
Kásipkerlerge baqylaý-kassa mashınalaryn qoldaný máseleleri boıynsha zań normalary túsindirildi Senat salyqtyq kelisimderge qatysty qujatty qabyldady Qaraǵandyda salyqtan jaltarǵan eki kompanııa áshkerelendi

Salyq tóleý kezindegi qatelikter, negizinen, birneshe derektemelerdi toltyrý qajettigine baılanysty boldy. Jeke tulǵalar men jeke kásipkerlerdiń salyq tóleý protsesin jeńildetý boıynsha júrgizilgen jumystar nátıjesinde 2020 jyldyń 1 qańtarynda «Salyq ámııany» mehanızmy iske qosylady. Bul- bir shottan tólemderdi qabyldaý jáne óńdeý qyzmeti, salyq tóleýshiniń ótinishinsiz onlaın rejıminde esepke alý júıesi. Іs-shara barysynda «Salyq ámııanynyń» jumysymen Qarjy vıtse-mınıstri Rýslan Eńsebaev tanystyrdy.

«Kóptegen azamattar salyq tóleýde qıyndyqtarǵa tap boldy. Mysaly, salyq tóleýshi ​​ózine qajet myńnan astam derektemelerdiń tórteýin - BSK, STK, benefıtsıardyń BSN jáne somasyn kórsetýi kerek edi. Olardyń bireýiniń durys kórsetilmeýi bıýdjetke tólemderdiń durys aýdarylmaýyna, sáıkesinshe aıyppuldar men ósimpuldarǵa alyp keletin. Búgingi tańda Qazaqstan Respýblıkasy Qarjy mınıstrliginiń júıeli jumysynyń arqasynda salyqty balama túrde «Salyq ámııanyn» toltyrý arqyly tóleýge bolady. Bul qyzmet salyq tóleýshige onyń aǵymdaǵy jáne aldaǵy bıýdjettik mindettemeleri týraly aqparat beredi. «Salyq ámııanynan» túsken aqsha avtomatty túrde salyq mindettemeleri týyndaǵan tıisti salyqtarǵa esepteledi. Sonymen birge salyq tóleýdiń derektemeleri salyq tóleýshi kórsetpeı-aq avtomatty túrde toltyrylady, bul salyqtyń kepildi jetkizilýin qamtamasyz etedi», – dedi Rýslan Eńsebaev.

Osylaısha, jańa qyzmet buǵan deıin qoldanylǵan boryshtyq tólemder nemese aldaǵy tólemder boıynsha qyzmetterge qaraǵanda, qarajattardy jalpy málimettermen tolyqtyrýǵa, «salyq ámııanynyń» balansynan avtomatty túrde aqsha aýdarý optsııasyn qosýǵa jáne tólengeni jónińde habarlama alýǵa múmkindik beredi. Salyq ámııanynyń mobıldi nusqasy QR QM MKK e-Salyq mobıldi qosymshasynyń platformasynda jumys isteıdi, sonymen qatar elektrondyq úkimet portalynda (egov.kz) jáne jeltoqsan aıynyń sońynan bastap «Qazaqstan Halyq Banki» AQ (Homebank) mobıldi qosymshasynda, sonymen qatar 2020 jyldan bastap bul qyzmet Kaspi.kz mobıldi qosymshasyna engiziletin bolady.

Sonymen birge, Qazaqstan Respýblıkasy Qarjy mınıstrliginiń búgingi kúngi basty basymdyqtarynyń biri - qoǵam men bıznesti sapaly memlekettik qyzmettermen qamtamasyz etip, barynsha ashyq qyzmet etý. «Tsıfrlyq Qazaqstan» memlekettik baǵdarlamasy aıasynda qyzmetterdi Open API formatyna engizý, sonymen qatar salyq tóleý tártibin jeńildetetin qyzmetterdi qurý boıynsha kóptegen jumystar atqarylýda.

Búgingi tańda elektrondy memlekettik satyp alý veb-portaly arqyly málimetterdi berý boıynsha 60-tan astam memlekettik qyzmet engizildi. «Elektrondyq qarjy ortalyǵy» AQ Basqarma Tóraǵasynyń orynbasary Darhan Bırjanov elektrondy memlekettik satyp alý portalynyń jáne «Ashyq bıýdjet» qyzmetteriniń biryńǵaı qyzmeti týraly aıtty.

«Qazirgi ýaqytta Elektrondy memlekettik satyp alý portalynyń derekterin saraptama qurý nemese osy aqparatqa naryqtyń basqa da qatysýshylarynyń qol jetimdiligin arttyrý úshin paıdalanatyn 160-tan astam uıym tirkelgen. Júıe tapsyrys berýshilerdiń taýarlardy jetkizýge, jumystarǵa, qyzmetterge qajettilikteri, olardy shoǵyrlandyrý, satyp alý protsedýralary, jetkizýshini sáıkestendirý, elektrondyq kelisim-sharttar jasasý jáne olardyń oryndalýy týraly málimetterdiń jarııalanýyn qamtamasyz etedi «, - deıdi D.Birjanov.

Jyl basynan beri Qazaqstan Respýblıkasy Qarjy mınıstrligi Memlekettik kirister komıtetiniń saıtynda «Ortalyqtandyrylǵan biryńǵaı jeke shottar» AJ salyq bereshegi, tólengen jáne aldaǵy tólemder týraly málimetter usyný úshin API qyzmetteri jarııalandy.

QR QM MKK Aqparattyq tehnologııalar departamentiniń dırektory Baýyrjan Jumakasov osy qyzmetter týraly jáne salyq tóleý protsesin jeńildetý úshin memlekettik organdar men úshinshi uıymdardyń derekter bazasymen ıntegratsııany qamtamasyz etý boıynsha komıtet tarapynan qandaı jumys atqarylǵany týraly tolyǵyraq baıandady.

«Máselen, aldaǵy tólemder qyzmeti salyq tóleýshilerge aldaǵy salyq somasyn (múlik salyǵy, jer salyǵy, kólik quraldary salyǵy) bilýge jáne belgilengen merzimge deıin tóleý múmkindigin usyný úshin jasalǵan. Bul qyzmet Qazaqstan Respýblıkasy Qarjy mınıstrliginiń Memlekettik kirister komıtetiniń (kgd.gov.kz) jáne JKP (eGov.kz), Kaspi.kz jáne «Qazaqstan Halyq Banki» AQ portaldarynyń platformalarynda sátti jumys isteıdi, - dep atap ótti B. Jumaqasov.

Qazirgi ýaqytta 40-qa jýyq uıym (qazaqstandyq ekinshi deńgeıli bankter jáne IT-naryqtyń ókilderi) osy API qyzmetterine qol jetkizdi, al olar óz kezeginde API derekterine negizdelgen jeke jáne zańdy tulǵalardyń Qazaqstan Respýblıkasy Qarjy mınıstrliginiń qurylymdyq bólimshelerimen ózara árekettesýin jeńildetýge kómektesetin jańa qyzmetterdi usynady.

Іs-shara barysynda Kaspi.kz, Halyq banki, Uchet.kz, Birinshi nesıe bıýrosy, «Kompra» JShS, I Kommertsııa osy API negizinde jasalǵan qyzmetter týraly tolyǵyraq aıtty.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT