+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Saqtyq sharalaryn qatań ustansaq, indettiń taralýy toqtaıdy - atyraýlyq dáriger

2020 jylǵy 23 mamyr 21:10
Bólisińiz:
Saqtyq sharalaryn qatań ustansaq, indettiń taralýy toqtaıdy - atyraýlyq dáriger

ATYRAÝ. QazAqparat – Atyraýda koronavırýs indetimen kúreske 650 medıtsına qyzmetkeri tartylǵan. Sonyń biri – Nurbaqyt Kópjanov, dep habarlaıdy QazAqparat.

Qazir ol Atyraý qalasyndaǵy №5 emhanada januıa densaýlyǵy ortalyǵynyń meńgerýshisi bolyp jumys isteıdi.

«Qaýipti indetpen kúreste dárigerlerge zor jaýapkershilik júktelip otyr. Biz halyqtyń densaýlyǵyn saqtaý úshin jumys istep jatyrmyz. Bul – bizdiń mindetimiz» deıdi ol.

Nurbaqyt Kópjanovtyń aıtýynsha, №5 qalalyq emhanaǵa tirkelgen turǵyndardyń arasynan qaýipti indetti juqtyrǵan úsh jaǵdaı tirkelgen.

«Koronavırýs ınfektsııasy tabylǵan naýqastar turatyn úılerdi jedel oqshaýlap, dárigerlik baqylaýǵa aldyq. Al, karantınde jatqandardy kúnine úsh saǵat saıyn termometrııadan ótkizemiz. Telefonmen habarlasyp, vıdeobaılanys arqyly karantındegi adamdardyń jaǵdaıyn bilip, shaǵymdaryn suraımyz. Olardyń barlyǵyn baqylaýda ustap otyrmyz. Infektsııa belgisi bar naýqastardy qabyldaý úshin emhanada provızorlyq bólimshe uıymdastyryldy. Koronavırýs ınfektsııasynyń belgisi bolýy múmkin degen kúdikpen kelgen naýqastardy atalǵan bólimshede qabyldap, murnynan synama alamyz», - deıdi Nurbaqyt Kópjanov.

Ol alynǵan synamanyń qorytyndysy shyqqansha naýqastar dárigerdiń baqylaýynda bolatynyn aıtty. Nátıje rastalǵanda ǵana naýqas ınfektsııalyq aýrýhanaǵa jiberiledi.

«Dárigerdiń mindeti – halyqtyń densaýlyǵyn saqtaý. Biz óz mindetimizdi burynnan adal atqaryp júrmiz. Ásirese, qazirgi qıyn jaǵdaıda dárigerlerge júktelgen jaýapkershilik burynǵydan da eselep arta tústi», - deıdi ol.

Dárigerdiń aıtýyna qaraǵanda, Atyraýda koronavırýs ınfektsııasy tirkelgennen beri emhana jumysyna ózgeris engizilgen.

«Emhanada naýqastardy qabyldaý onlaın rejımge kóshirildi. Dárigerler esepte turǵan, bizge habarlasqan turǵyndarǵa onlaın keńes berip jatyr. Ásirese, júkti áıelder, jańa týǵan sábıler erekshe baqylaýǵa alyndy», - deıdi Nurbaqyt Kópjanov.

Emhana qyzmetkerlerinen de koronavırýs ınfektsııasyna qarsy synama alynǵan. Synama qorytyndysy teris nátıjes kórsetip, indetti juqtyrý deregi tirkelmegen. Emhana dárigerleri jumystan bosatylmaǵan.

«Biz saqtyq sharalaryna basa mán beremiz. Óıtkeni, halyqtyń densaýlyǵyn saqtaýǵa jaýapty dárigerler de saqtyq sharalaryn saqtaýy kerek. Muny turǵyndarǵa da udaıy aıtyp otyramyz. Bul indet juqpaıdy dep alańsyz júrýge bolmaıdy. Saqtaný sharalaryn qatań ustaný arqyly ǵana qaýipti indettiń taralýyn toqtata alamyz», - deıdi dáriger Nurbaqyt Kópjanov.

Bizdiń kanalymyzǵa jazylyńyz:

Bólisińiz:

Avtor:

Bek Mustafa

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT