+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Saqtanyńyz- týberkýlez!

2020 jylǵy 21 qyrkúıek 13:00
Bólisińiz:
Saqtanyńyz- týberkýlez!

NUR-SULTAN. QazAqparat - El arasynda qurt aýrýy dep atalatyn týberkýlez ben onyń qozdyrǵyshy — Koh taıaqshasy jaıly bárimiz bilemiz. Alaıda, kópshiligimiz ómirde saqtyq sharalaryn eleı bermeımiz.

Álemde kún saıyn 4 myńnan astam adamnyń ómirin jalmap otyratyn dert jaıly tereńirek bilgińiz kele me?

Týberkýlezdiń qaýiptiligi sonshalyq, Dúnıejúzilik densaýlyq saqtaý uıymy ony VICh-indetimen qatar qoıady. DDSU málimetinshe, osy dertten 1,7 mln adam qaıtys bolǵan. Onyń 60 paıyzy Orta-Azııa aımaǵy elderiniń enshisinde. Ólim-jitim kórsetkishi jaǵynan ol júrek-qan tamyry aýrýlary men qaterli isikten keıin úshinshi orynda tur.

Ásirese, týberkýlezdiń ımmýnıteti álsiz adamdar úshin qaýipti ekenin bile bermeımiz. Al, ımmýnıtettiń álsireýine sharshap-shaldyǵý, durys tamaqtanbaý, kúızelis, qorǵanys júıesi jumysynyń buzylýyna ákep soqtyratyn basqa da aýrýlar sebep. Sonymen qatar, týberkýlez juqtyrý qaýpi joǵary sanalatyn topqa balalar men qarttar da jatady. Óıtkeni, olardyń ımmýndyq júıesi álsiz.

Qazaqstanda aýrýhanaǵa túsetinderdiń basym bóligi aýrýyn ábden asqyndyryp alǵandar. Sondyqtan aýrýdyń aldyn alý máselesine kóbirek den qoıǵanymyz jón. Profılaktıka ár adamnyń tanym-túsinigine kelip tireletin másele. Sony ózgertkende ǵana azamattardyń óz densaýlyǵyna degen qarym-qatynasyn jaqsartýǵa bolady. Eń aldymen, ár adam jyl saıyn emhanaǵa baryp medıtsınalyq zertteýler ótip turýdy ádetke aınaldyrýy tıis. Bul týberkýlezdiń ǵana emes, ózge de dertterdiń aldyn alýǵa kómektesedi.

Qazaqstanda týberkýlezdi anyqtaý men onyń aldyn alý, emdeý, dári-dármekpen qamtamasyz etý kepildendirilgen medıtsınalyq kómek paketine kiredi. Aýrý tegin emdeledi. Osy dertke shaldyqqandardy anyqtaý, emdeý men áleýmettik qoldaýǵa memleket bıýdjetten qomaqty qarjy bólindi.

Týberkýlez belgileri birden baıqala qoımaıdy. Ádette, ol uzaq ýaqyt boıy aǵzada damyp, kóbine ókpe tinderin zaqymdaıdy. Onyń belgileriniń júre kele paıda bolatyny da sondyqtan. Biraq kóp uzamaı toqtaýsyz jótelý, keıde qan aralas qaqyryq túsý, keýde qýysynyń aýyrýy, óz-ózin jaısyz seziný, salmaq joǵaltý, qalshyldaý syndy belgiler paıda bolady.

Eń bastysy — týberkýlezdi emdep jazýǵa jáne onyń aldyn alýǵa bolady. Juqtyrǵan kúnniń ózinde der kezinde, durys emdelse patsıenttiń qulan-taza aıyǵyp ketýge múmkindigi bar. Sońǵy jyldary elimizde atalǵan indetke shaldyǵý kórsetkishi 2,4 esege qysqarǵan. Juqpaly aýrýdy jańadan juqtyratyndar sany eki ese, ólim-jitim kórsetkishi alty esege derlik azaıǵan.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT