Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 376.30 EUR 425.22
RUB 5.68 CNY 55.63
Jańalyqtar

Saǵyntaevtyń mınıstrlerge eskertýi: Aıtpady demeńizder

2018 jylǵy 12 maýsym 11:03 292
Bólisińiz:
Saǵyntaevtyń mınıstrlerge eskertýi: Aıtpady demeńizder

ASTANA. QazAqparat - Úkimet basshysy Baqytjan Saǵyntaev bólingen qarajatty ıgere almaı jatqan mınıstrlerge eskertý jasady, dep habarlaıdy QazAqparat tilshisi.

Aıta ketsek, búgin Úkimet otyrysynda mınıstrler 2018 jyldyń 5 aıynyń qorytyndysy boıynsha respýblıkalyq bıýdjettiń oryndalýy týraly baıandama jasap jatyr.

Óz kezeginde QR Ulttyq ekonomıka mınıstri Tımýr Súleımenov qurylys salasynyń damý jaıy jyl boıy birkelki emes serpindi kórsetip otyrǵanyn aıtqan bolatyn. Mınıstrdiń aıtýynsha, qurylys salasynyń ósý serpini birinshi toqsanda 5,9 paıyzǵa ulǵaıǵanymen, qańtar-mamyrdyń qorytyndylary boıynsha 0,3 paıyzdy, ıaǵnı nóldik mánge qaraı jaqyndaǵan. Báseńdeý Pavlodar munaı-hımııa zaýytyn jańǵyrtý boıynsha, magıstraldi qubyrlar men ónerkásiptik obektilerdiń, sondaı-aq «Ábý-Dabı Plaza» kóp fýnktsııalyq keshenniń qurylysy boıynsha jumystardyń tómendeýimen baılanysty bolyp otyr.

Mınıstrlerdiń baıandamasyn tyńdaǵan Baqytjan Saǵyntaev negizgi máseleni kóldeneń tartty.

«Negizi, bizdiń máselelerdiń barlyǵy tek qana qurylysta. 275 mlrd teńge 2018 jylǵa qabyldaǵan bolsaq, qalǵan mindettememiz - 178 mlrd teńge. ıAǵnı, alda áli 100 mlrd teńgege mindettemeler qabyldaý kerek. Onyń ishindegisi 5 aıdyń ishinde 42 mlrd teńgeniń ǵana jumysyn atqarǵanbyz. Al ýaqyt ótip bara jatyr. Qazan aıynan bastap kún sýytyp, jol salý máselesi, Jeńis Mahmuduly, basqa da qurylystar máselesiniń bárinde óte aýyr jaǵdaı qalyptasady. Sonda qalaı muny ıgeremiz?», - dedi Úkimet basshysy.

Baqytjan Saǵyntaev eger de shyn máninde qarjy ıgerilmese, alty aıdyń qorytyndysymen aqshanyń bárin keri qaıtarý kerektigin atap ótti.

«Bostan-bos ustap otyrǵannan góri, basqa mınıstrlikterdiń tarapynan suranystar túsip jatyr. Óziniń jolymen shyǵyp, aqshany ýaqytynda tıimdi ıgerý qajet. Joldarǵa úlken tapsyrmalar boldy, Jeńis Mahmuduly. Qaýip bar. Mádenıet jáne sport mınıstrligi vızıt-ortalyqtaryn soǵyp bitem degenshe týrıstik maýsym ótip ketedi. Áli konkýrs ótpegen. JSQ-sy joq. Onda aqshany nege surady? Aýyl sharýashylyǵy, Qarjy mınıstrligi de... Qosymsha mine, qarjy surap otyrsyzdar. 42 mlrd degen daıyn tur, mine. Alý kerek te - basqa salaǵa salý kerek. Báribir odan paıda joq», - dedi ol.

Sóz sońynda Úkimet basshysy mınıstrlerge eskertý jasady.

«Elbasynyń tapsyrmasy boıynsha Úkimet qarjyny bóldi. Parlament qoldady. Bıýdjet qabyldandy. Biraq, qarjy ıgerilmeıdi. Qashanǵy kútip otyramyz? Ne ekonomıkada ósim joq, ne halyqtyń aldynda aıtatyn sóz joq. Esep berilgen kezde bárin de qatyryp jatyrmyz dep aıtamyz. Odan keıin bári umyt qalady. Aıtpady demeńizder, qurmetti áriptester! Sońǵy sóz - jarty jyldyń qorytyndysynan keıin bólingen, alaıda ıgerilmegen qarjy basqa salaǵa jumsalatyn bolady. Ary qaraı ózderińiz bilesizder. Halyq pen Elbasynyń aldynda ózderińiz jaýap beresizder», - dedi Baqytjan Saǵyntaev.

 

 

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
MURAǴAT