Ruqsat etilmegen jerge qoqys tókken mańǵystaýlyq júrgizýshi jazalandy

AQTAÝ. QazAqparat - Ruqsat etilmegen jerge qoqys tókken júrgizýshi ákimshilik jaýapqa tartyldy,-dep habarlaıdy QazAqparat.

Uqsas jańalyqtar

Mańǵystaýda mas júrgizýshi ómir boıy kólik júrgizý quqyǵynan aıyryldy

Kólsaı kólderi, Altyn Emel, Sharyn ulttyq parkterinde ınvestordy anyqtaýǵa ashyq baıqaý jarııalandy Shymkentte polıtseıler bir táýlikte 379 ákimshilik quqyq buzý áreketin anyqtady Jer betinen 40 mıllıon gektardan astam orman joıylyp ketken

Mańǵystaý oblystyq Ekologııa departamentiniń mamandary ýákiletti organdardyń ókilderimen birlesken reıd sharasy barysynda turmystyq qaldyqtardy ruqsat etilmegen jerge tókken júrgizýshini ustap, oǵan jaza qoldandy.

Atap aıtqanda «Abattandyrý erejelerin buzý boıynsha»QR ÁQBK 505-baby 1-tarmaqshasyna saı ákimshilik jaýapqa tartyldy.

«Salynǵan aıyppul kólemi az emes. Budan bylaı qaldyqtardy qaladaǵy kúl-qoqys tastaıtyn arnaıy orynǵa aparyp tógý qajettigi aıtyldy. Óńirdiń tazalyǵyn qatań baqylap, kúl-qoqystardyń orynsyz shashylyp-tógilýine jol bermeý maqsatynda túsindirme jumystary júrgizilýde»,-dep habarlady oblystyq ekologııa departamentinen.

Aıta keteıik, Ekologııa, geologııa jáne tabıǵı resýrstar mınıstrligi elimizdegi qoqystarmen júıeli jumys júrgizýdi bastaǵan bolatyn. Oǵan sáıkes, mınıstrlik pen onyń aımaqtaǵy ókildikteri eldiń aımaǵyndaǵy zańsyz qoqys oryndaryn anyqtaý jáne olardy joıý maqsatynda reıd sharalaryn júrgizedi.

Mınıstrliktiń málimetinshe, arnaıy júrgizilgen ǵarysh monıtorınginiń málimetteri negizinde Qazaqstanda 7 myńnan astam qoqys oryndary bar ekeni anyqtalǵan.

Mınıstrlik sonymen qatar stıhııaly qoqystarmen kúres maqsatynda arnaıy jedel jelini iske qosty.