+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Rýhııa Baıdúkenova: Halyqty ónerimmen de, kómegimmen de qýantqym keledi

2021 jylǵy 6 tamyz 10:30
Bólisińiz:
Rýhııa Baıdúkenova: Halyqty ónerimmen de, kómegimmen de qýantqym keledi

NUR-SULTAN. QazAqparat – 2021 jyl Qazaqstan mýzykanttary men saz súıer qaýym úshin jaǵymdy jańalyqtarǵa tolyp bolyp tur. Imanbektiń Gremmıdi ıelenýi eldi dúr silkintken bolatyn. Al, jýyqta ǵana Rýhııa Baıdúkenova «Slavıan bazary» baıqaýynan jeńispen oraldy. Pandemııadan qajyǵan halyqtyń rýhyn jarqyn jeńisimen kóterip, kóńilin marqaıtqan Rýhııa Baıdúkenova «QazAqparat qonaǵy» jobasynda búgin syr shertedi.

- Rýhııa, qosh keldińiz! Sizdi taǵy da jeńisińizben quttyqtaımyz! Osy kúnder aralyǵynda jeńis pen qoshemettiń eıforııasyna boı úretip te qalǵan shyǵarsyz. «Slavıan bazarynyń» jeńimpazy bolý ómirińizdi ózgerte bastady dep aıtýǵa bola ma?

- Quttyqtaýyńyzǵa rahmet! «Slavıan bazarynan» keıin ómirim ózgerdi deýge bolady. Sebebi, bos ýaqyt joq. Kúnine 2-3 saǵat qana uıyqtap júrmin. Kóptegen, kontsertterge, suhbattar men jobalarǵa qatysý týraly usynystar túsip jatyr. Barynsha bárine úlgerýge tyrysyp júrmin. Jalpy ómirim ózgerdi deýge bolday. Biraq men ózim ózgergen joqpyn dep oılaımyn.

- Sizdiń jeńisińizge qýanǵan jurtty arasynda Prezıdent te boldy. Tipti tilegin bildirip, quttyqtady. Qalaı qabyldadyńyz?

- Prezıdent quttyqtaıdy dep kútpegen edim. Memleket basshysynyń biz sııaqty talantty jastardy kórip, qoldap jatqanyna óte qýanyshtymyn, rahmet aıtamyn. Bolashaqta bizdiń elde túrli salalardan úzdikter shyǵyp, álemge tanylady dep oılaımyn. Bárin qoldasa eken degen úmit, senim bar.

- Baıqaýǵa qatysatyn kezde kim sizge erekshe qoldaý bildirdi?

-Erekshe qoldaý kórsetken, barlyq jerde aıtyp júrgenimdeı, Dımash Qudaıbergen. Jalpy ol kisi tek osy baıqaý kezinde ǵana emes, ómirimde de qoldaý kórsetip júrgen adamdardyń biri. Ol kisi meni bala kezden tanıdy. Álem ártisi bolsa da, sol qalpynda, sol qarym-qatynasta qalǵan jandardyń biri. Meniń Dımash sııaqty adamnyń kózine túsýim úlken bir dáreje dep oılaımyn. Bul da Allanyń maǵan bergen bir syıy shyǵar.

- Vıtebsk halqynyń erekshe qoldaýyn sezindim dep aıtypsyz. Jalpy konkýrs kezinde Vıtebsk jurtynyń yqylasy qalaı boldy?

- Birinshi kelgen kúnnen bastap maǵan Belarýs eliniń halqy óte qatty unady. Bizdiń qazaqqa uqsaıdy – qonaqjaı, kúlip qarsy alady. Eshqandaı urys-kerissiz, óz-ózderimen... Taǵy bir baıqaǵanym ultqa bólinbeıdi eken. Mysaly, men qazaq bolsam da, kádimgideı kómektesip, sahnaǵa shyqqansha qoldap, senim bildirdi. Tipti keıbir kórermender osynda qalsańshy dep jatty.

- Ózińiz álemdik deńgeıdegi ánshi dep otyrǵan Dımash Qudaıbergen osy baıqaýdyń 2015 jylǵy jeńimpazy ǵoı. Onyń qazylar alqasynda bolatynyn qashan estidińiz? Alǵash estigende «Ónerim ádil baǵalanatyn boldy» dep qýandyńyz ba, álde «Jerlesimdi jerge qaratpaýym kerek» degen qobaljý basym boldy ma?

- Dımash qazylar alqasynda bolady degendi estigende men óte qatty qoryqtym desem durys bolatyn shyǵar. Sebebi álemdik deńgeıdegi ártis qoı. Jalpy men ol kisiniń aldynda án aıtýǵa uıalatynmyn. Qatty uıalatynmyn. Basqa adamdardan uıalmaımyn, biraq Dımashtan uıalatynmyn. Osy baıqaý kezinde osy uıalý sezimin psıhologııalyq turǵyda jeńdim. Vıtebskke tek ózim úshin ǵana bar jatpaǵanymdy bildim. Bir jaǵynan Qazaqstannyń abyroıy bar, ekinshi jaǵynan Dımash Qudaıbergen qazylar alqasynyń múshesi bolǵandyqtan, ol da úlken jaýapkershilik artty. Óıtkeni Dımash kóterip ketken bıiktikti alasartpaýymyz kerek. Qazaqstannan barǵan úmitker jaman aıtpaýy kerek degen maqsat qoıdym. Sol maqsatqa jettim.

- Degenmen Dımashtyń rýhanı qoldaýyn sezingenińizdi aıttyńyz ǵoı. Alǵashqy bolyp quttyqtaǵandardyń biri de Dımash eken.

- Iá. Daıyndyq barysynda ol kisi maǵan vokaldyq jaǵynan da kómektesti. Onysyna kóp rahmet. 4-5 ret birge daıyndaldyq, aqylyn aıtty. Al dál baıqaý kezinde aralasqan joqpyz deýge bolady. Biraq men án aıtqan kezde kádimgideı ýaıymdaǵanyn sezdim.

- Sizdiń ánderińizdi tyńdap otyryp joǵarǵy notalardy alýyńyzdy, án yrǵaǵyńyzdy Dımashtyń stıline uqsattym. Bul jáı uqsastyq pa, álde Dımashtan úlgi alasyz ba?

- Negizi ol notalardy bala kezden aıtyp kelemin. Biraq tehnıkalyq, vokaldyq jaǵynan Dımashtan, Maraııa Kerıden jáne basqa da sheteldik ánshilerden úlgi aldym. Ár talantty ánshiden ózimizge keregin, ózimizge jaǵatyn dúnıelerdi alyp otyramyz. ıAǵnı, bilim jınap otyramyz.

-Bala kezden demekshi, mýzyka álemine qalaı keldińiz? Án aıtý otbasyńyzda kimnen daryǵan?

- Meniń Baıdúken atam dombyrashy, kúıshi bolǵan. Qazir ómirde joq. Ártis bolǵanymdy sol kisi qalaǵan eken. Men ekide bolǵan kezde dúnıeden ótipti. Óz anasynyń qurmetine meniń atymdy Rýhııa dep qoıǵan. Sol Rýhııa ájem de án aıtqan eken. Jalpy óner týraly túsinigi bar, jaqsy-jamandy aıyra alatyn otbasydan shyqqanmyn.

- Osy suhbat aldynda «Hfaktor» jobasyna qatysqan sátterińizdi qarap kórdim. Sol kezde ata-anańyz ánshi bolǵanymdy qalamady depsiz? Dáriger bolǵanyńyzdy qalapty. Qazir ata-anańyzdyń oıy ózgerdi me? Ónerińizge degen kózqarastary qandaı?

- «Slavıan bazaryna» deıin ata-anam meniń ónerime qatty qyzyqpaıtyn. Ásirese karantın bolǵan kezde aıtatyn, «Kórdiń be, dárigerdiń oqýyn oqý kerek edi. Qazir elge sol kerek. Al qazir ánshi bolyp úıde bosqa otyrsyń» deıtin. Ásirese ákem dáriger degen halyqqa paıdań tıetin mamandyq qoı dep aıtatyn. Biraq «Slavıan bazaryna» óterdiń aldynda ákem batasyn berdi. «Tek qana taza jolmen, taza eńbekpen, abyroımen júrseń boldy» dedi. Bylaı aıtqanda, qazir ata-anam óte qýanyshty.

- Baıqaýdan keıin búkil aqparat quraldary sizdiń jeńisińiz týraly jazyp, suhbat alyp, baǵdarlamalarǵa qatystyryp jatyr. Sony kórip ata-anańyz maqtanyp júrgen shyǵar. Olardyń ómirine sizdiń jeńisińiz qandaı ózgeris ákeldi?

- Bir biletinim, meniń kózimshe maqtamaıdy. Biraq anam telefonmen sóılesip jatqanda «Osynyń bárine óz eńbegimen jetti ǵoı» degenderin estip qalamyn. Jalpy ata-anam qatty maqtaǵandy unatpaıdy. Men sondaımyn. Bireý maqtap jatsa, bir túrli yńǵaısyzdanyp otyramyn.

- Karantın týraly aıtyp qaldyńyz ǵoı. Sizge sol úzilister paıdaly boldy ma?

- Óte paıdaly boldy.

- Qaı turǵydan?

- Psıhologııa jaǵynan kóp nárseni uqtym. Kóp dúnıeni zerttedim deýge bolady. Kóp salany oqyp-bilip, ómirime qajetti bilim jınadym. Kınokontsert, ándi árleý, «plıýs jazý» sııaqty jumystardy smartfon kómegimen isteýdi meńgerdim. Sondaı-aq, karantın kezinde ózime rejım ornattym. ıAǵnı tańǵy saǵat beste turyp, túngi saǵat 11-de uıyqtap qalyp júrdim. Tamaqty da ýaqytymen iship, salaýatty ómir saltyn ustana bastadym. Al oǵan deıin túngi saǵat úshte uıyqtap kúndiz toǵyzda, onda turatyn edim.

- «Slavıan bazaryna» daıyndalý úshin qansha ýaqyt jumsadyńyz? Karantın kezinde bastadyńyz ba degenim ǵoı.

- Negizi men úsh jyl qatarynan «Slavıan bazarynyń» irikteýine qatysyppyn. Bıylǵy úshinshisi josparymda bolmaǵan. Basqa baıqaýlardy izdep júrgen edim. Biraq mańdaıyma osylaı jazylypty. Taǵy da qatysyp kórseńshi degender boldy. «Nege kórmeske» degen oımen ótinim jibere salǵan bolatynmyn. Ótip kettim. ıAǵnı, meniń túsingenim, biz adamdar óz ómirimizdi ózimiz qıyndatady ekenbiz. Jeńil qabyldasaq, kóp nárse jeńil keledi.

- «Slavıan bazaryna» deıin «Hfaktor», «Topjarǵan» sııaqty televızııalyq jobalarǵa qatysqan ekensiz. Bul jobalar sizge ne berdi? Baıqaýlarda qandaı nátıjege jettińiz?

- «Hfaktor» týraly aıtsaq, meniń uıalatyn qoıylymdarymnyń biri ol. Sebebi syrtqy kelbet jaǵynan da, vokal jaǵynan da kemshilikter boldy. Stýdııadaǵy qazylardyń sózi bizge estilmeıtin. Sóılegen sózimniń ózi grammatıkalyq jaǵynan durys shyqpaı jatty. Ol kezde balamyn ǵoı endi. Sol jobadaǵy ózimdi kórip, keıin maqsat qoıdym. Qaı jerde óner kórsetsem de, qazylardyń sózine asa mán berip, qandaı deńgeıdegi dybys bolsa da, anyq estý kerek degen sabaq aldym. Sol baıqaýdan keıin syrtqy kelbetke mán berip, sol jaǵynan jumys isteı bastadym.

- Al «Topjarǵan» baıqaýy she?

- «Topjarǵan» men úshin bir jaqsy joba boldy. Ol jerde «sen ótý kerek ediń», «sen jeńý kerek ediń» dep ókinish bildirgender de boldy. Men eshkimge renjimeımin. Qaıta rahmet aıtamyn. Sebebi ADAM Media sııaqty kompanııamen jumys istedim. Bylaısha aıtqanda, Dınara Adam syndy elimizdegi úzdik prodıýserdiń jobasyna qatystym. Bul mamannyń qolǵa alǵan jobalary árqashan reıtıngtiń basynda turady. Menińshe, bul da maǵan Allanyń bergen múmkindigi bolǵan sııaqty. Sol komandamen jumys isteýdiń sáti tústi. Dınara Abaıqyzynyń komandasy erekshe. Ózi de óte jaqsy adam. Ómirde ápke men sińlideı bolyp, aralasyp kettik. Biraz ýaqyttan keıin ADAM Media túsirgen «Egiz lebiz» jobasynda eki aıdaı mýzykalyq redaktor bolyp jumys istedim. Shyny kerek, maǵan bul úlken tájirıbe boldy. Qarap otyrsam, Alla taǵala meni bul jolǵy «Slavıan bazaryna» túrli múmkindikter berý arqyly shyńdaǵan sııaqty. Osydan keıin «Basy qatty bolsa, aıaǵy tátti bolady» degenge senetin boldym.

- Sizdi biz 5 oktavada aıtatyn ánshi dep jazyp júrmiz, aıtyp júrmiz. Bul kez kelgen ánshiniń qolynan kele bermeıtin dúnıe. Daýsyńyzdy qalaı kútesiz? Qandaı jattyǵýlar oryndaısyz? Mýzykaǵa jańadan qadam basqan ánshilerge keńesińiz bolsyn.

- Árıne, ol sýyq ishpeý, aıaqtan sýyq ótkizbeý, jyly kıiný. Eń bastysy – densaýlyq. Densaýlyq bolmasa, án aıtý qıyndaý. Jeıtin tamaqqa da mán berý kerek. Asqazan arqyly bizdiń dybys talshyqtarymyz jumys isteıdi. ıAǵnı, asqazan qyjylynan saqtaný kerek. Ol daýys tembrine áser etedi. Kúndelikti muryn jáne bas rezonatoryna arnalǵan jattyǵýlardyń mańyzy zor. Eń paıdaly jattyǵýlar tynys alý joldaryna arnalǵan. Tynys durys bolmasa, daýystyń shyǵýy óte qıyn.

- Siz 22 jasyńyzda talaıdyń qoly jetpegen bıikti baǵyndyrdyńyz deýge bolatyn shyǵar. Ustaz atanyp, shákirt tárbıelep júr ekensiz. Bir shákirtińizdi halyqaralyq baıqaýǵa daıyndap jatyrmyn dep aıtqan edińiz. Mundaı jaýapkershilikti alýǵa qoryqpadyńyz ba? Shákirtterińizdiń qandaı jeńisimen maqtana alasyz?

- Jalpy maǵan keletin shákirtter óte talantty. Men Qazaqstannyń estradasy bıik deńgeıge jetetinine shynymen de senemin. Sebebi maǵan keletin jas býyn óte-óte talantty. Olarmen jumys isteý ózime de erekshe áser etedi. Óıtkeni jańa adam keledi. Onyń psıhologıasyn zertteımiz. Ártistiń ómirine osynyń bári áser etedi. Jańadan bir baǵyttaǵy ánderdi tyńdaımyz. Men daıyndaǵan Sánııa jáne Kamıla degen eki qyz «Balalar Evrovıdenıesine» qatysty. Kamıla úshinshi oryn, Sánııa jetinshi oryn aldy. Odan keıin taǵy da sheteldik onlaın baıqaýlarǵa qatysyp júrdi. Jas býynmen daıyndalý óte keremet.

- Nesimen keremet?

- Ol maǵan da tájirıbe. Jastardan ózime qosymsha bilim alam deýge de bolady. Bala bolsa da, talǵamy bıik dúnıeler kórsetetinderi bar. Balanyń jany taza bolady ǵoı. Sondyqtan jaqsy energetıka bolady. Mýzyka úshin energetıka mańyzdy. Sebebi kórermen ony qatty sezedi.

- Nelikten prodıýsermen jumys istegińiz kelmeıdi? Alǵa qoıǵan qandaı josparlaryńyz qandaı?

- Qazir kásibı, jan-jaqty jumys isteıtin jaqsy komandań bolsa, jumys júredi. Sál burynyraq prodıýserlerdiń zamany bolǵan sııaqty. Menińshe, qazir ondaı zaman emes.

- Sizdi áýejaıdan kútip alǵan kezde ustazyńyz Rýhııaǵa endi jaqsy bir án jazdyryp, beınebaıan túsirý kerek degen edi... Osy jaǵynan qandaı josparyńyz bar?

- Qazir men ánder jazyp júrmin. Biraq qaı ánge beıneklıp túsiretinimiz ázirge belgisiz. Tańdaý júrip jatyr. Kóptegen avtorlarmen jumys istep júrmiz. Usynystar da túsip jatyr. Jaqyn arada klıp shyǵýy múmkin. Biraq men asyqpaımyn. Sebebi asyǵyp júrip kóńilden shyqpaıtyn án jazǵym kelmeıdi.

- Mýzykadaǵy stılińizdi tańdap boldyńyz ba? Men tyńdaǵan ánderdiń kóbi patrıottyq taqyryptaǵy jáne halyq ánderi boldy. Qandaı baǵyt ustanasyz?

- Baǵytym áli qalyptasqan joq. Sondyqtan túrli baǵyttarǵa baryp júrmin. Ony men moıyndaımyn. Bálkim 1-2 jylda óz-ózimdi tabatyn shyǵarmyn. Ázirge barlyq stıldi zerttep kórýge tyrysamyn.

- Sizdiń mýzykadaǵy eleýli jetistigińizdiń Slavıan bazarynan bastalǵanyn yrymdap, Dımashtyń izbasary dep atap júrgender bar. Ózińiz de birneshe ret budan keıin televızııalyq jobalarǵa qatysamyn dep aıttyńyz. Naqty bir jobalar boıynsha jumys istep jatyrsyz ba?

- Qazir izdenistemiz desem durys shyǵar. 1-2 joba taptyq. Qazir sony pysyqtap jatyrmyz.

- Sheteldik pe,álde otandyq pa?

- Sheteldik?

- Nege sheteldik?

- Sebebi, Qazaqstanda jobalar óte az. Shyny kerek, osy ýaqytqa deıin ánshi bolyp júrsem de, meni halyq kóp tanı bermeıtin. Mýzykalyq orta ǵana biletin. Negizi ánder shyǵaryp, efırlerge shyǵyp júrdim. Meni efırden kesip tastaý deıtin bolǵan joq. Biraq jalpy kópshilik «Slavıan bazarynan» keıin tanı bastady. Sheteldik joba arqyly óz qabiletińdi dáleldeý ońaı deýge bolatyn shyǵar.

- Kýmırińiz bar ma, kimmen bir sahnada án aıtqyńyz keledi?

- Maraııa Kerımen, Dımashpen án aıtqym keledi. Biraq Dımashtyń ózi ony bilmeıdi. Nege ekenin bilmeımin, betine aıta almaımyn. Suhbattarda ǵana aıtyp júrmin.

- Nege osy eki adam?

-Sebebi Maraııa Kerı – meniń kýmırim. Dımash ta kýmırim. Ol kisi elikteýge turarlyq tulǵa. Qarapaıymdyq, bári bar. Al Maraııa Kerımen kóbi meniń daýsymdy uqsatyp jatady. Maıkl Djeksen tiri bolǵanda onymen de aıtar edim.

-Rýhııa Baıdúkenovanyń pleılıstinde qandaı ánder bar?

- Ár túrli ánder bar. Biraq onyń kóbi halyq tyńdaı bermeıtin sımfonııalyq shyǵarmalar. YouTube kanaldarda ár túrli jobalar bar. Solardan jańa baǵyttaǵy ánderdi tyńdaımyn. Jańa shyǵyp jatqan ánderdi tyńdaýǵa tyrysamyn jalpy. ıAǵnı nostalgııamen tyńdaıtyn án meniń tizimimde qazir joq deýge bolady. Sebebi jańa baǵyttardy baǵyp otyrýǵa tyrysamyn.

- Sizdi kim nemese ne shabyttandyrady?

- Meni kishkentaı balalar shabyttandyrady. Balany qatty jaqsy kóremin. Ózimniń de balam bolǵanyn qalaımyn. Kóp balaly bolǵym keledi. Spotshylardan da shabyt alamyn.

- Sportshylardan qalaı shabyt alasyz?

- Sportshylar – óte tártipke úırengen adamdar. Jaýapkershilikteri joǵary, rýhy myqty bolyp keledi. Mysaly, men bokstan álem chemıpony Ferýza Sharıpovamen jaqsy aralasamyn. Ómirde kádimgideı týysqandaı aralasamyz. Bala kezden sportty qyzyqtaımyn. Denıs Tendi kóp qaraıtynmyn. Óner adamdary men sportshylardyń arasynda jipsiz baılanys bar sııaqty. Uqsastyq kóp. Sportta da, mýzykada da jetistik jattyǵýlar arqyly keledi. Olar denesin shynyqtyrsa, biz daýysymyzdy kútip, baptaımyz degen sııaqty.

-Sport jaıly aıtqan soń suramaı ketý ábestik shyǵar. Qazir bizdiń sportshylar Tokıo Olımpıadasynda óner kórsetip jatyr. Óz atyńyzdan qandaı lebiz, tilek aıtar edińiz?

- Tokıodaǵy Olımpıada oıyndarynda elimizdiń kók baıraǵy tek bıikten kórinsin. Altyn, kúmis, qola júldeler kóp bolsyn. Eń bastysy, jeńse de, jeńilse de eńseleri túspesin degim keledi. Mysaly Zúlfııa Chınshaloǵa qatty rıza boldym. Qıyndyqtarǵa moıymaı, qaıtadan Olımpıadaǵa baryp, júldemen oralyp jatyr. Barsha sportshylarǵa sáttilik tileımin.

- Áýeli Dımash, Danelııa, Erjan Maksım, Imanbek, Nazıma, Indıra Edilbaeva, endi siz. Qazaqstan atynan synǵa túsetin mýzykanttarǵa kórermen tarabynan qoıylatyn talapty birneshe satyǵa kóterip tastadyńyzdar. Osy turǵyda jas talant ıelerine aıtar tilegińiz, lebizińiz, keńesińiz qandaı?

- Árqashan tek óz oılaryńyzben ómir súrińizder. Óz degenderińizge jetińizder. Bir Alla men armandaryńyzǵa senseńizder, eshkim sizderge kedergi bola almaıdy. Armandańyzdar, eńbektenińizder, senimdi bolyńyzdar.

- Al Rýhanııanyń óz armany qandaı?

- Dál qazir meniń armanym – qarapaıym halyqqa kómektesý. Ónerimmen qosa qaıyrymdylyq qor ashqym keledi. Ol ázirshe arman ǵana. Dál qazir qolymnan kele qoımas. Negizi bolashaqta halyqqa kómektesetin sondaı qor ashqym keledi. Osy jeńisti de men ózim úshin ákelgen joqpyn deı alamyn. Byltyr «Slavıan bazaryna» sen ótý kerek ediń» degen sózder aıtyldy. Byltyr barmaǵanyma qýanamyn. Sebebi jeńýim ekitalaı edi. Tipti jeńgen kúnniń ózinde halyq qınalyp jatqanda meniń qýanyshyma birge shattana alar ma edi?.. Bala kezden meniń jeńisime halyq qýansa eken dep armandaıtynmyn. Sol armanǵa jetkizgen halyqqa rahmet.

-Al biz syrly suhbatyńyzǵa rahmet aıtamyz.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Janat Qapalbaeva
Janat Qapalbaeva
954-059

MURAǴAT