+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

«Rýhanı jańǵyrýdyń» jańa kezeńindegi jobalar jas erekshelikterine qaraı ázirlendi – Aıda Balaeva

2021 jylǵy 7 maýsym 23:11
Bólisińiz:
«Rýhanı jańǵyrýdyń» jańa kezeńindegi jobalar jas erekshelikterine qaraı ázirlendi – Aıda Balaeva

NUR-SULTAN. QazAqparat – Bıyl «Rýhanı jańǵyrý» baǵdarlamasyn ulttyq jańǵyrý kezeńine kóshirý jol kartasy bekitildi. Josparlanǵan sharalar men jobalar jas erekshelikterine saı ázirlendi. Bul týraly QR Aqparat jáne qoǵamdyq damý mınıstri Aıda Balaeva aıtyp berdi, dep habarlaıdy QazAqparat.

Uqsas jańalyqtar
Aıda Balaeva BAQ bostandyǵy máseleleri boıynsha EQYU ókilimen kezdesti

«Jalpy, halyq qazaqstandyq qoǵamnyń transformatsııasyn qoldaıdy jáne oń baǵalaıdy. Sarapshylardyń pikirinshe, «Rýhanı jańǵyrý» baǵdarlamasyn júzege asyrý kezinde qoǵamdyq sana ózgere bastady. «Rýhanı jańǵyrý» baǵdarlamasyn júzege asyrýdyń tıimdiligi» taqyrybyndaǵy áleýmettik zertteýge sáıkes, baǵdarlamanyń alty basty baǵytynyń árbiri boıynsha qoǵamda ornyqty kózqaras qalyptasqanyn málimdeýge bolady. Qoǵam ekologııalyq jaǵdaıdy jaqsartýda azamattardyń róli úlken ekenin túsinedi. Bul – halyqtyń ekologııalyq sanasyn jetildirý úshin ekologııalyq qozǵalystardy, aktsııalardy jandandyrý qajet ekeniniń aıǵaǵy», - dedi A. Balaeva «Sputnik Qazaqstan» portalyndaǵy suhbatynda.

Mınıstrdiń aıtýynsha, «Rýhanı jańǵyrý» baǵdarlamasyn iske asyrýdyń tórt jylynda demeýshi qarajaty esebinen 280 mıllıard teńge tartylǵan, 7 myńǵa jýyq nysan salynyp, jóndelgen.

«Halyqty qoldaýǵa 143 myńnan astam azamat tartyldy. Eldegi qaıyrymdylyq mádenıeti «Rýhanı jańǵyrý» baǵdarlamasy aıasynda jańa serpin aldy. Respýblıka boıynsha atalǵan jobalardy júzege asyrýǵa 13 myńnan asa metsenat qatysty. Óńirlerde memlekettik organdar, ÚEU, bıznes pen azamattardyń qatysýymen aýqymdy sharalar ótkizildi. Qoǵamdyq sananyń jańǵyrýyna qaraı biz aıtarlyqtaı oń ózgeristerdi sezinip jatyrmyz», - deıdi Aqparat mınıstri.

Sonymen birge Qazaqstan azamattary óz Otanyn damytýǵa úles qosady, áleýmettik jáne azamattyq jaýapkershilik artyp keledi, JOO stýdentteri úzdik álemdik standarttar boıynsha memlekettik tilde oqý múmkindigine ıe, eldiń qasıetti jerlerine baratyn adamdar sany artyp jatyr.

«Bıyl «Rýhanı jańǵyrý» baǵdarlamasyn ulttyq jańǵyrý kezeńine kóshirý jol kartasy bekitildi. Josparlanǵan sharalar men jobalar jas erekshelikterine saı ázirlendi, onyń maqsaty – baǵdarlama mazmunyn halyqtyń túrli toptaryna jetkizý. Eń aldymen, baǵdarlama halyqty jasy boıynsha saralanǵan túrde qamtıdy, ásirese, bul óskeleń urpaq pen jastarǵa qatysty bolady. ıAǵnı, «Rýhanı jańǵyrý» aıasyndaǵy jobalar ár jas sanatynyń problemalary men múddesin eskere otyryp ázirlenedi», - dep túsindirdi Aıda Balaeva.

Buǵan deıin Aqparat jáne qoǵamdyq damý mınıstri Aıda Balaeva jýrnalısterdiń biliktiligin arttyrý úshin qandaı sharalar jasalǵanyn baıandaǵan edi.

Sondaı-aq mınıstr memlekettik aqparattyq tapsyrystyń mańyzy men jańa ádisteri týraly aıtyp berdi.

Al Qazaqstan jastarynyń 60%-dan astamy jańalyqtar men oqıǵalardy áleýmettik jeliler men blogtardan biledi. Aqparat mınıstri jastardyń resmı derekkózderden mańyzdy ári durys aqparat alýy úshin qandaı sharalar atqarylǵanyn aıtyp berdi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT