+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Rýdnyıdyń ken basqarmasy 220 mlrd teńgeniń ónimin óndirgen

2018 jylǵy 21 aqpan 16:50
Bólisińiz:
Rýdnyıdyń ken basqarmasy 220 mlrd teńgeniń ónimin óndirgen

QOSTANAI. QazAqparat - Rýdnyıdaǵy «Sokolov-Sarybaı» ken basqarmasy quny 92 mlrd teńge bolatyn 3 jobany ıgermek, dep habarlaıdy QazAqparat tilshisi.

Ótken jyldyń sońynda Elbasy Nursultan Nazarbaev «Qazaqstandaǵy jańa ındýstrııalandyrý: ornyqty damý men progress úshin» dep atalǵan jalpyulttyq telekópir kezinde birneshe mańyzdy jobanyń tusaýyn kesip, jumysyn bastap berdi. Solardyń biri - «Sokolov-Sarybaı» ken basqarmasynyń Qashar bólimshesinde engizilgen «Aqyldy kenish» jobasy.

«Ár aýysym saıyn Qashardan ken artý úshin 14 ekskavator, 30 tehnologııalyq avtomobıl jumys isteıdi. Osy tehnıkalardy durys paıdalaný, olardy ornalastyrý, tasylatyn kenniń kólemi, sapasy týraly aqparat alý úshin óte kóp ýaqyt ketetin edi. Al kez kelgen salada ýaqyt qarjy jáne tabys kózi bolyp sanalady. Qazir osy jumystarǵa qatysty tolyp jatqan aqparattyń barlyǵyn dıspetcher qadaǵalamaıdy. Endi barlyǵy kompıýterden baqylanady», - deıdi kenishtiń óndiris sheberi Mereı Óteýlıev.

Mamannyń aıtýynsha, «Aqyldy kenishpen» birge amerıkalyq «Modýlar Maınıng Sıstems» kompanııasynyń DISPATCH júıesi engizildi. Bul tótenshe jaǵdaılar bola qalǵanda shuǵyl áreket jasaýǵa múmkindik beredi.

«Tehnıka turyp qalmaıdy, protsess úzilmeıdi. Ázirge naqty nátıje týraly aıtý erte. Degenmen keminde únemdilik pen eńbek ónimdiligi 10 paıyzǵa artady dep josparlap otyrmyz. Jumys áldeqaıda jeńildendi», - deıdi óndiris sheberi.

Jalpy, ken basqarmasy 2016 jyly 177,1 mlrd teńgeniń ónimin óndirse, 2017 jyly bul kórsetkish 218,3 mlrd teńgeni qurady. Kásiporynnyń ındýstrııasyna 2025 jylǵa deıin 92 mlrd teńgeni baǵyttaý josparda bar. Atap aıtqanda, «Aqyldy kenish» jobasy Sarybaı, Sokolov jáne Qorjynkól bólimshelerinde de engiziletin bolady.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT