Rýdnyı polıtseıleri múgedek áıeldi órtenip jatqan úıden alyp shyqty

QOSTANAI. QazAqparat – Rýdnyı qalasynyń tártip saqshylary órtenip jatqan kópqabatty úı ishinen múmkindigi shekteýli jandy alyp shyqty, dep habarlaıdy QazAqparat Rýdnyı qalasy polıtsııa basqarmasynyń baspasóz qyzmetine silteme jasap.

Rýdnyı qalasyndaǵy Oktıabrdiń 50 jyldyǵy kóshesindegi turǵyn úılerdiń birinen órt shyqqan. Oqıǵa ornyna patrýldik polıtsııa rotasynyń ınspektory Maqsut Dosybaev pen kishi serjant Tólegen Qastaev keldi.

«Turǵyn úıdiń besinshi qabatynda tútin shyǵyp jatty. Áriptesimiz ekeýmiz oılanbastan órt shyqqan úıge kóterildik. Tútinnen dym kórinbedi. Adamdardyń aıqaılaǵan daýysy arqyly baǵyt aldyq. Órtenip jatqan páterde múgedek áıel ǵana boldy. Az ýaqyttyń ishinde ony oqshaý jerge kóterip ákeldik», - dedi Maqsut Dosybaev.

Polıtseıler zeınetkerdiń ótinishi boıynsha páterge qaıta kóterilip, múgedekterge arnalǵan arbany tómenge túsirdi.

Osylaısha, olar múmkindigi shekteýli áıeldi órtten aman alyp qaldy. Arnaıy qyzmet ókilderi órttiń elektr symynyń tuıyqtalýynan shyqqanyn anyqtady.