Roman Sklıar jumys saparymen Ashhabadqa bardy
2022 jylǵy 21 mamyr 11:45

Roman Sklıar jumys saparymen Ashhabadqa bardy

NUR-SULTAN. QazAqparat - 2022 jylǵy 20 mamyrda Premer-Mınıstrdiń birinshi orynbasary Roman Sklıar bastaǵan qazaqstandyq delegatsııa Ashhabadqa jumys saparymen bardy, dep habarlaıdy QazAqparat Úkimettiń baspasóz qyzmetine silteme jasap.

Túrikmenstan Prezıdenti Serdar Berdymýhamedovpen kezdesý barysynda bıylǵy jyl eki el arasynda dıplomatııalyq qatynastyń ornaǵanyna 30 jyl tolatyn aıtýly jyl ekeni atap ótildi.

Taraptar saýda-ekonomıkalyq, aýyl sharýashylyǵy jáne energetıka salalaryndaǵy Qazaqstan-Túrikmenstan yntymaqtastyǵynyń ózekti máselelerin talqylady. Sonymen qatar Qazaqstan Respýblıkasynyń Prezıdenti Qasym-Jomart Toqaevtyń 2021 jylǵy 24-25 qazandaǵy Túrikmenstanǵa memlekettik sapary barysynda qol jetkizilgen ýaǵdalastyqtardy iske asyrýǵa erekshe nazar aýdaryldy.

Sondaı-aq sapar aıasynda Túrikmenstan Mınıstrler kabıneti tóraǵasynyń orynbasarlary Shahym Abdrahmanovpen, Chary Gylydjovpen jáne Esenmyrat Orazgeldıevpen jeke kelissózder júrgizildi, onda ekonomıkalyq yntymaqtastyqty odan ári nyǵaıtýdyń praktıkalyq sharalary egjeı-tegjeıli qaraldy.


Jańalyqtar

MURAǴAT