+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Roman Sklıar vıtse-premer qyzmetine taǵaıyndaldy

2019 jylǵy 18 qyrkúıek 19:24
Bólisińiz:
Roman Sklıar vıtse-premer qyzmetine taǵaıyndaldy

NUR-SULTAN. QazAqparat - Roman Sklıar Qazaqstan Respýblıkasy Premer-Mınıstriniń orynbasary qyzmetine taǵaıyndaldy, dep habarlaıdy QazAqparat Aqordanyń baspasóz qyzmetine silteme jasap.

Uqsas jańalyqtar
«Atyraý» fýtbol klýbyna jańa bapker keldi Aqtóbede baspasóz hatshysy sýdıa boldy Qyzylorda oblysynda birqatar taǵaıyndaýlar boldy

Aıta keterligi, búgin Májilistiń Ekonomıkalyq reforma jáne óńirlik damý komıtetiniń otyrysynda Qazaqstan Respýblıkasy Premer-Mınıstriniń orynbasary laýazymyna Roman Sklıardyń kandıdatýrasy kelisildi.

Bul másele «QR Parlamenti jáne onyń depýtattarynyń mártebesi týraly» zańnyń 22-1-babyna sáıkes komıtet otyrysynda qaraldy.

Qazaqstan Premer-Mınıstriniń atynan kandıdatýrany Premer-Mınıstr Keńsesiniń Basshysy Ǵalymjan Qoıshybaev tanystyryp, R.Sklıardyń mol tájirıbesi men joǵary kásibıligin atap ótti. Talqylaýdan keıin Sklıar Roman Vasılevıchtiń kandıdatýrasyn Qazaqstan Respýblıkasy Premer-mınıstriniń orynbasary laýazymyna taǵaıyndaý úshin usynýǵa bolady dep esepteıdi. Otyrys sońynda depýtattar kandıdattyń aldaǵy jumysyna sáttilik tiledi.

Komıtet otyrysynyń qorytyndysy boıynsha «Qazaqstan Respýblıkasy Parlamenti Májilisiniń Ekonomıkalyq reforma jáne óńirlik damý komıteti «QR Parlamenti jáne onyń depýtattarynyń mártebesi týraly» zańynyń 22-1-babyna sáıkes Qazaqstan Respýblıkasynyń Premer-Mınıstri usynǵan Roman Vasılevıch Sklıardyń kandıdatýrasyn qarap, atalǵan kandıdatýrany Premer-Mınıstrdiń orynbasary laýazymyna taǵaıyndaý úshin usynýǵa bolady dep esepteıdi».

Roman Vasılevıch Cklıar 1971 jyly 8 mamyrda Pavlodar qalasynda dúnıege kelgen.

Ekonomıst jáne zańtaný mamandyqtary boıynsha Máskeý zamanaýı bıznes ınstıtýty men Qazaq quqyqtaný jáne halyqaralyq baılanys ınstıtýtyn bitirgen.

1989-1990 jyldar aralyǵynda «Ekibastuzkómiravtomatıka» montajdaý-jóndeý basqarmasynyń montajshy-slesary, «Kazpromtehmontaj» óndiristik-montajdaý basqarmasynyń Ekibastuz qurylys basqarmasynyń montajshysy bolyp jumys istegen. 1990-2002 jyldary kommertsııalyq qurylymdarda eńbek etken. 2002-2003 jyldary QR Qarjy mınıstrliginiń óteýge shamasy kelmeıtin qaryzdarymen jumys jónindegi komıtettiń Pavlodar oblysy boıynsha basqarmasynyń bólim bastyǵy qyzmetin atqarǵan. 2003-2005 jyldary Pavlodar qalasy boıynsha memlekettik satyp alý basqarma bastyǵy, Pavlodar qalasy ákiminiń orynbasary. 2005-2006 jyldary Pavlodar qalasy ákimi apparatynyń basshysy, ákim orynbasary. 2006-2007 jyldary Astana qalasynyń ákimi apparatynyń ınfraqurylymdy damytý bóliminiń meńgerýshisi. 2007-2008 jyldary Astana qalasynyń Energetıka jáne kommýnaldyq sharýashylyq departamentiniń dırektory. 2008-2010 jyldary Pavlodar oblysy ákiminiń orynbasary. 2010 jylǵy qazannan bastap 2011 jylǵy mamyrǵa deıin Pavlodar oblysy ákiminiń birinshi orynbasary bolyp eńbek etken. 2011-2013 jyldary Qazaqstan Respýblıkasy kólik jáne kommýnıkatsııa vıtse-mınıstri.

2014-2016 jyldary «Qazaqstan temir joly» AQ vıtse-prezıdenti. 2016 jyly QR Parlamenti Májilisiniń VІ shaqyrylymynda «Nur Otan» partııasynan depýtat bolyp saılandy. Ekonomıkalyq reforma jáne óńirlik damý komıtetiniń tóraǵasy boldy. Sol jylǵy mamyrda QR ekonomıka vıtse-mınıstri qyzmetine taǵaıyndaldy. 2017-2019 jyldary QR ınvestıtsııalar jáne damý birinshi vıtse-mınıstri.

2019 jylǵy aqpannan beri QR Indýstrııa jáne ınfraqurylymdyq damý mınıstri qyzmetin atqaryp keldi.

«Qurmet» ordenimen, «Qazaqstan Respýblıkasynyń Táýelsizdigine 20 jyl», «Astanaǵa 10 jyl» mereıtoılyq medaldarymen marapattalǵan.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT