+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Roman Sklıar Shamalǵandaǵy apat týraly tolyq aqparat berdi

2019 jylǵy 16 qyrkúıek 12:57
Bólisińiz:
Roman Sklıar Shamalǵandaǵy apat týraly tolyq aqparat berdi

NUR-SULTAN. QazAqparat –Shamalǵannyń poıyz ótkelinde jabdyqtaýdyń barlyq talaptary saqtalǵan. Bul týraly OKQ-da ótken baspasóz máslıhatynda QR Indýstrııa jáne ınfraqurylymdyq damý mınıstri Roman Sklıar málim etti, dep habarlaıdy QazAqparat tilshisi.

«Týrksib Astana» JShS tasymaldaýshysynyń málimetine súıensek, poıyz quramyndaǵy jolaýshylardan eshkim zardap shekpegen. Poıyz ótkeli joldy jabý qurylǵysymen, shlagbaýmmen jáne baǵdarshammen jabdyqtalǵan. ıAǵnı, ótkeldi jabdyqtaý boıynsha talaptardyń bári saqtalǵan», - dedi Roman Sklıar OKQ-da ótken baspasóz máslıhatynda.

QR Indýstrııa jáne ınfraqurylymdyq damý mınıstriniń aıtýynsha, «Setra» markaly avtobýs 1990 jyly shyǵarylǵan. Buryn tehnıkalyq tekseristen ótý merzimi 2019 jyldyń 16 shildesinde ótip ketken. Merzimi ótip ketkenimen tehnıkalyq tekseriske qaıta kirgizilmegen.

«Tasymaldaýshy «Qaskeleń avtobýs parki» JShS. Zardap shekkender boıynsha aıtsam, 1986 jyly týǵan Ábdirqyzy Elmıra Jánibekova men onyń 2014 jáne 2016 jyly týǵan eki qyzy zardap shekti. Elvıranyń ózi Almaty lokomtıv deposynda qyzmet etedi. QTJ oǵan barlyq kómekti jasaıdy», - dedi ol.

Eske sala ketsek, keshe Shamalǵan stantsııasynda poıyz ben avtobýs soqtyǵysqan bolatyn. Aldyn ala boljam boıynsha, avtobýs temir joldyń relsine shyǵyp ketken.

Oqıǵa ornynda avtobýs júrgizýshisi mert bolyp, taǵy 3 adam Qarasaı aýdandyq aýrýhanasynyń jansaqtaý bóliminde jatyr. Onyń ekeýi bala.

Qazir atalǵan fakti boıynsha QR QK 345-babynyń 3-tarmaǵy boıynsha is qozǵalyp, tergeý júrip jatyr. Іstiń tergelýin Bas kóliktik prokýratýra óz baqylaýyna aldy.

QR Prezıdenti Qasym-Jomart Toqaev Aqseńgir-Shamalǵan temirjol ótkelinde poezd ben avtobýs soqtyǵysynan japa shekkenderdiń týǵan-týystaryna kóńil aıtty.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT