Rolan Garros týrnırindegi qazaqstandyq tennısshilerdiń qarsylasy anyqtaldy
2022 jylǵy 20 mamyr 09:43

Rolan Garros týrnırindegi qazaqstandyq tennısshilerdiń qarsylasy anyqtaldy

NUR-SULTAN. QazAqparat – Frantsııa astanasy Parıjde Rolan Garros týrnıriniń jerebesi tartyldy, dep habarlaıdy QazAqparat tilshisi.

Frantsııa ashyq chempıonatynda Qazaqstannyń birinshi, álemniń 16-raketkasy Elena Rybakına alǵashqy aınalymda dúnıejúzilik reıtıngte 76-orynda turǵan nıderlandylyq Arancha Rýspen oınaıdy.

Álemniń 37-raketkasy ıÝlııa Pýtıntseva irikteý saıystary jeńimpazdarynyń birimen kezdesedi.

Qazaqstannyń erler arasyndaǵy birinshi, álemniń 41-raketkasy Aleksandr Býblık reıtıngte 65-satydaǵy frantsııalyq Artýr Rınderknehpen kortqa shyǵady.

Juptyq synnyń jerebesi keıin belgili bolady.

Qazirgi kezde irikteý saıystary ótip jatqan Rolan Garrostyń negizgi dodasy 22 mamyrda bastalyp, 5 maýsymda márege jetedi.

Eske sala keteıik, budan buryn qazaqstandyq tennısshiniń alǵash ret chellendjer týrnıriniń jartylaı fınalyna ótkenin jazǵan bolatynbyz.



Jańalyqtar

MURAǴAT