Rıo de Janeıroda polıtsııa operatsııasynan  21 adam mert boldy
2022 jylǵy 25 mamyr 15:00

Rıo de Janeıroda polıtsııa operatsııasynan 21 adam mert boldy

NUR-SULTAN. QazAqparat – Brazılııanyń Rıo de Janeıro qalasynda zańsyz esirtki aınalymymen kúres operatsııasy barysynda kem degende 21 adam mert bolyp, 4-eýi jaraqat aldy, dep habarlaıdy QazAqparat Xinhuanet.com saıtyna silteme jasap.

Operatsııa Vıla-Krýzeıro shaǵyn aýdanynda bolǵan, munda qalanyń iri qylmystyq toby quqyq qorǵaý organdaryna qarýly qarsylyq kórsetken.

Saldarynan 11 qylmyskerdiń kózi joıylǵan. Bir áıelge kezdeısoq oq tıgen jáne 9 máıit tanylǵan joq. Jergilikti esirtki satýshylar paıdalanǵan 11 myltyq, 4 tapansha jáne 1 granata, sondaı-aq úlken kólemdegi esirtki quraly, 10 avtomobıl men 20 mototsıkl tárkilendi.


Foto: reuters.com
Uqsas jańalyqtar

Jańalyqtar

MURAǴAT