+7 (701) 759 90 19
USD 430.39 EUR 515.52
RUB 5.68 CNY 66.03
Jańalyqtar

Rıdderdegi ortalyq kóshege Abaı esimi beriledi – ShQO

2021 jylǵy 4 naýryz 02:45
Bólisińiz:
Rıdderdegi ortalyq kóshege Abaı esimi beriledi – ShQO

ÓSKEMEN. QazAqparat – Aımaq basshysy Danıal Ahmetovtiń qatysýymen ótken oblystyq máslıhattyń kezekten tys úshinshi sessııasynda birqatar máseleler qaraldy, dep habarlaıdy QazAqparat tilshisi.

Uqsas jańalyqtar

Máslıhat sessııasy buǵan deıin bekitilgen 2021 jylǵa arnalǵan bıýdjetke ózgerister engizýden bastaldy. ShQO Ekonomıka jáne bıýdjettik josparlaý basqarmasynyń basshysy Sáýle Ulaqovanyń aıtýynsha, qosymsha qarajat aımaq úshin mańyzdy máselelerdi sheshýge jumsalady. Máselen, «Shyǵys - Adaldyq alańy» jobasy aıasynda 10 aýylǵa «Ashyq ákimdik» formatynda qyzmet kórsetýdiń servıstik modeline kóshýge 38,9 mln teńge bólingen.

«Jumyspen qamtýdy úılestirý jáne áleýmettik baǵdarlamalar basqarmasy boıynsha 29,7 mln teńge kópbalaly jáne az qamtylǵan otbasylarǵa áleýmettik-quqyqtyq kómek kórsetý úshin memlekettik áleýmettik tapsyrysty ornalastyrýǵa baǵyttalatyn bolady. Chernobyl AES-indegi apattyń zardaptaryn joıýǵa qatysýshylardy eske alýǵa arnalǵan monýment jasaýǵa 17 mıllıon teńge jumsalady», - dedi Sáýle Ulaqova.

Kún tártibinde Óskemen jáne Rıdder qalalarynyń keıbir kóshe attaryn ózgertý, sondaı-aq avtobýs parkin jańartý sııaqty basqa da máseleler qaraldy.

«Óskemendegi Mendeleev kóshesi tanymal metallýrg, Qazaqstan Respýblıkasy Memlekettik syılyqtarynyń laýreaty Baǵdat Shaıahmetovtyń esimimen atalady. Ol da «ÓTMK» AQ basshylyǵy kezinde otandyq metallýrgııany damytýǵa eleýli úles qosty. Rıdderdegi Ostrovskıı atyndaǵy ortalyq kóshege Abaı dańǵyly ataýy berildi. Abaı esimimen atalatyn taǵy bir kóshe osy qalanyń týmasy, Keńes Odaǵynyń Batyry Sergeı Gýlıaev kóshesi dep atalatyn bolady», – dedi ShQO Tilderdi damytý basqarmasynyń basshysy Roza Tólemisova.

Aımaq basshysy Danıal Ahmetov bul rette ǵalym Dmıtrıı Mendeleevtiń esimi umytylmaıtynyn atap ótti.

«Taǵy bir kóshe hımık-ǵalym Mendeleevtiń esimimen atalady. Buny respýblıkalyq komıssııa maquldap otyr. Qalalyq máslıhattyń kelesi sessııasynda osy suraq qaraýǵa shyǵarylady», - dedi ol.



Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT