+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

Rıdderde «Smart city» jobasy iske qosylady

2020 jylǵy 16 qańtar 23:50
Bólisińiz:
Rıdderde «Smart city» jobasy iske qosylady

ShYǴYS QAZAQSTAN. QazAqparat – Shyǵys Qazaqstannyń ákimi Danıal Ahmetov «Qazaqtelekom» AQ basqarma tóraǵasy Qýanyshbek Esekeevpen kezdesip, oblysta «aqyldy qala» jobasyn engizý barysyn talqylady, dep habarlaıdy QazAqparat ShQO ákiminiń baspasóz qyzmetine silteme jasap.

Smart city – bul azamattar úshin qolaıly jaǵdaı jasaý maqsatynda ınnovatsııalyq tehnologııalardy engizip, qala ınfraqurylymyn arttyrýǵa baǵyttalǵan joba. ıAǵnı, qalalardaǵy densaýlyq saqtaý, bilim berý, qurylys jáne TÚKSh nysandarynda ornatylǵan biryńǵaı beınebaqylaý júıesi tsıfrly málimetter jınaqtaýǵa múmkindik berip, aqparattyq basqarýdy ońtaılantyra túsedi.

Kezdesý barysynda oblys ákimi tsıfrlyq tehnologııalardyń basymdyqtaryn tilge tıek ete kele óńirde «aqyldy qalanyń» modeldi jobasyn engizýdi usyndy.

«Jobany Rıdder qalasynan bastaǵanymyz oryndy. Óıtkeni bul qalanyń ınfraqurylymy óte kúrdeli. Eger júıe Rıdderde sátti júzege asyrylsa, ózge qalalarda tehnıkalyq kedergiler men aqaýlar kezdespeıdi», - dedi Danıal Ahmetov.

Kompanııa sarapshylarynyń aıtýynsha, Smart city júıesi Rıdder qalasyndaǵy áleýmettik nysandardy baqylaýmen qatar, ekologııalyq qaýipsizdik saraptamasyn arttyrady. 546 kóp páterli turǵyn úıde, 15 mektep pen 100-den astam qurylys nysanynda ornatylǵan beıne kameralary elektrondy basqarý júıesin arttyryp, 10 ekologııalyq saraptaý stantsııalary aýanyń lastanýy týraly aqparat taratady.

Aıta ketsek, oblys aýmaǵynda «Tsıfrly Qazaqstan» sandyq tehnologııalardy engizý memlekettik baǵdarlamasy aıasynda birqatar jobalar iske asyrylyp keledi. Áleýmettik nysandar men qala kóshelerinde tsıfrly baqylaý kameralary ornatylyp, jumys isteýde.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT