+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Rıdderde órtten zardap shekkenderge jańa turǵyn úılerdiń kilti tabystaldy

2021 jylǵy 22 shilde 03:15
Bólisińiz:
Rıdderde órtten zardap shekkenderge jańa turǵyn úılerdiń kilti tabystaldy

NUR-SULTAN. Qazaqparat - Rıdderdegi orman órtinen zardap shekkenderge arnalǵan úılerdiń qurylysy Úkimet belgilegen merzimnen buryn aıaqtaldy, dep habarlaıdy ShQO ákimdiginiń baspasóz qyzmeti.

Uqsas jańalyqtar
Aqsýda qarttar úıinen órt shyǵyp, bir adam zardap shekti Áleýmettik az qamtylǵan boryshkerler jalǵyz baspanasynan shyǵarylmaıtyn boldy Turǵyn úı baǵasy jyl saıyn 10-15% ósip otyrady – Talǵat Erǵalıev

Kóktemde Rıdderde jalpy aýdany 290 gektardy sharpyǵan órt bolyp, sonyń saldarynan 272 gektar orman men 30-dan astam turǵyn úı janyp ketti. Memleket basshysy Qasym-Jomart Toqaev zardap shekken turǵyndarǵa kómek kórsetý jónindegi jumysty jeke baqylaýyna aldy. Al, Shyǵys Qazaqstan oblysynyń ákimi Danıal Ahmetov «Botanıka» aýdanynan zardap shekkenderge arnalǵan bir qabatty 30 úı jáne jergilikti kópbalaly otbasylar úshin taǵy 2 úı salýdy tapsyrdy.

24 mamyr kúni QR Premer-mınıstri Asqar Mamın órtten zardap shekkendermen kezdesken bolatyn. Sol kezde ol úılerdiń qurylysyn 15 tamyzǵa deıin aıaqtaýdy tapsyryp edi. Biraq, júrgizilgen qarqyndy jumystyń nátıjesinde qurylys merzimnen buryn aıaqtaldy. Sonymen qatar, barlyq jańadan qonystanýshylarǵa aldyn ala ornatylǵan as úı jıhazy syılyq retinde berildi.

Danıal Ahmetovtiń tapsyrmasy boıynsha, ShQO ákiminiń orynbasary Azamat Muhamedchınov órtten zardap shekken 11 otbasy men kópbalaly bir otbasyna úıdiń kiltterin tabystady. Qalǵan 20 otbasy jańa úılerine jaqyn ýaqytta kiredi.

Jańa turǵyn úı kiltterin tabystaý rásiminen keıin A.Muhamedchınov jańa qonystanýshylardy Qurban aıt meıramymen quttyqtap, ár shańyraqqa amandyq, birlik pen baq-bereke tiledi.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT