Rıdderde Ortalyq Azııadaǵy eń iri taý shańǵysy kýrorty ashylmaq

2022 jylǵy 28 qyrkúıek, 15:54
Rıdderde Ortalyq Azııadaǵy eń iri taý shańǵysy kýrorty ashylmaq

ÓSKEMEN. QazAqparat – Shyǵys Qazaqstan oblysy Rıdder qalasynda Ortalyq Azııadaǵy eń iri taý shańǵysy kýrorty ashylady. Bul jaıly ShQO Óńirlik kommýnıkatsııalar qyzmetinde ótken baspasóz máslıhaty barysynda qala ákimi Dmıtrıı Gorkovoı málim etti, dep habarlaıdy QazAqparat tilshisi.

«Kásipqoı sportshylar men týrıster úshin taý shańǵysy kýrorty ashylady. Jańa keshen Anataý taýynyń tómengi bóliginde ornalaspaq. Kelesi jyly jobalyq-smetalyq qujattamany ázirleýdi bastaımyz», - dedi ol.

Bul Ortalyq Azııadaǵy eń iri taý shańǵysy kýrorty bolady dep kútilýde. Onda aspaly joldar, qonaqúı kesheni bolady. 4-shi býyn shańǵy kýrorttaryna qoıylatyn SKI-IN SKI-AUT talaby tolyqtaı oryndalady.

«Tańdalǵan jer Rıdder qalasyndaǵy temirjoldan 4 shaqyrymnan aspaıtyn qashyqtyqta, teńiz deńgeıinen 850 metr bıiktikte ornalasqan. Keshen tek qysta emes, jyl boıy jumys isteıdi. Jazda jaıaý jáne at sporty týrızmin, taý velosıpedin, paraplanerızmdi damytý kózdelýde», - dedi Dmıtrıı Gorkovoı.


Seriktester jańalyqtary

Jańalyqtar

https://www.inform.kz/qz/ridderde-ortalyk-aziyadagy-en-iri-tau-shangysy-kurorty-ashylmak_a3984399
https://www.inform.kz/qz/ridderde-ortalyk-aziyadagy-en-iri-tau-shangysy-kurorty-ashylmak_a3984399