Rıdderde áıel zorlaǵan polıtsııa qyzmetkerine qatysty is qozǵaldy
2021 jylǵy 29 qarasha 12:43

Rıdderde áıel zorlaǵan polıtsııa qyzmetkerine qatysty is qozǵaldy

RIDDER. QazAqparat – Rıdder qalasynda áıel zorlaǵan polıtsııa qyzmetkerine qatysty is qozǵaldy, dep habarlaıdy QazAqparat tilshisi.

Kesheli beri áleýmettik jelilerde Rıdderdegi ýaqytsha ustaý ızolıatory bastyǵynyń qol astyndaǵy qyzmetkerdi zorlaǵandyǵy jaıly aqparat tarap ketti. ShQO Polıtsııa departamentiniń baspasóz qyzmeti osyǵan qatysty túsinik berdi.

«Qazirgi ýaqytta atalǵan fakti boıynsha polıtsııa qyzmetkerine qatysty sotqa deıingi tergeý amaldary júrgizýde. Ol QR QІJK-niń 128-babyna sáıkes ýaqytsha ustaý ızolıatoryna qamaýǵa alynǵan. Qylmystyq is boıynsha ózge aqparat QPK-niń 201-babyna sáıkes jarııa etilmeıdi», - delingen aqparatta.

Quqyq qorǵaý organdarynyń bedelin túsiretin teris qylyq jasaǵany úshin tártip saqshysy jumystan shyǵarylǵan.

«Sondaı-aq onyń tikeleı basshylary jáne qalalyq polıtsııa basqarmasynyń bastyǵy qyzmetinen bosatyldy. Búginde jeke quram arasyndaǵy zańdylyq pen qyzmettik tártip máseleleri ishki ister organdarynyń qyzmetinde basym baǵyttyń biri bolyp otyr. Óz qatarymyzdy tártip buzýshy qyzmetkerlerden tazartý úshin belsendi jumys istep jatyrmyz», - dedi departament bastyǵy Saǵat Mádıev.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT