Jańalyqtar  >

Rıdder jylý elektr ortalyǵyndaǵy stansada taǵy da apat boldy

2023 jylǵy 4 qańtar, 21:01
Rıdder jylý elektr ortalyǵyndaǵy stansada taǵy da apat boldy

ÓSKEMEN. QazAqparat – Shyǵys Qazaqstan oblysy Rıdder qalasynda jylý elektr ortalyǵyndaǵy bager stantsııasynda apat boldy, dep habarlaıdy QazAqparat tilshisi.

Bul týraly oblys ákimi Danıal Ahmetov áleýmettik jelidegi paraqshasynda jazdy.

«Rıdderdegi jylý elektr ortalyǵy basshylyǵynyń nemquraılyǵynan bager stantsııasy qaıtadan sý astynda qaldy. Dál osyndaı jaǵdaı ótken jyldyń 5 qarashasynda bolǵan. Sol kezde merdiger uıymdardyń qyzmetkerleri mazýtty soryp alyp, barlyq agregattardyń jumysyn qalpyna keltirgen edi. Alaıda, JEO basshylyǵynyń kinásinen jaǵdaı taǵy qaıtalandy. Qazir bager stantsııasynda apatty joıý jumystary júrgizilýde», - deıdi aımaq basshysy.

Onyń aıtýynsha, 4 motopompa, 4 sýasty sorǵy iske qosyldy.

Tótenshe jaǵdaı jónindegi shtabtyń aqparatyna sáıkes, 3-4 saǵat ishinde apat saldary joıylady.

«Rıdder turǵyndaryna alańdaýǵa esh negiz joq. Bul jaǵdaı ortalyqtyń jumysyna áser etpeıdi. Rezervtik jabdyq qosylǵan. JEO-dan jylý berý keste boıynsha júrgiziledi. Shtab mamandary apattyq sebepterin anyqtap jatyr», - dedi Danıal Ahmetov.


Vıdeodan alynǵan kadr

Uqsas jańalyqtar
Seriktester jańalyqtary

Jańalyqtar