Reısti keshiktirgen áýe kompanııalary aıyppul arqalaýy múmkin
2022 jylǵy 30 maýsym 18:05

Reısti keshiktirgen áýe kompanııalary aıyppul arqalaýy múmkin

NUR-SULTAN. QazAqparat – Áýe reısi keıinge shegerilse jaýapty kompanııa jolaýshylarǵa zań aıasynda jaǵdaı jasaýy tıis. Shart oryndalmasa áýe kompanııasyna 200-den 1000 AEK-ke deıin aıyppul salynady, dep habarlaıdy QazAqparat tilshisi.

«Azamattyq avıatsııadaǵy basty maqsat - jolaýshylardy tasymaldaý qaýipsizdigi. Áýe kompanııalary jolaýshy qaýipsizdigi men qosymsha shyǵyndardy boldyrmaý maqsatynda kestege saı jumys isteýge múddeli bolýy tıis. Áýe reısteri keshigýiniń nemese keıinge shegerilýiniń negizgi sebebi - áýe kemesinen shyqqan tehnıkalyq aqaý nemese aýa raıynyń qolaısyzdyǵyna baılanysty. Osyǵan oraı reısterdiń keshigýi áýe tasymaly úshin qalypty qubylys», - dedi QR Indýstrııa jáne ınfraqurylymdyq damý mınıstrligi azamattyq avıatsııa komıteti tóraǵasynyń orynbasary Saltanat Tompıeva OKQ-de brıfıngte.

Onyń aıtýynsha, áýe reısi keshikken jaǵdaıda qyzmet kórsetýshi kompanııa jolaýshyǵa zań aıasynda jaǵdaı jasaýy tıis.

«Áýe kompanııasynyń ókilderi jolaýshyǵa 2 ret qońyraý shalyp eskertýi kerek. Salqyn sýsyn men ystyq tamaq usynyp, qonaq úımen qamtýy qajet. Sonymen qatar jolaýshyny qonaq úıge deıin jáne áýejaıǵa qaıta jetkizýge mindetti. Reıstiń keshikken ár saǵaty úshin tasymaldaýshy bılet qunynyń 3% mólsherinde aıyppul tóleıdi. Joǵaryda kórsetilgen talaptardy oryndamaǵan jaǵdaıda áýe kompanııasy 200-den 1000 AEK-ke deıin aıyppul túrinde ákimshilik jaýapkershilikke tartylady. Odan bólek, qazirgi ýaqytta jolaýshylardyń quqyǵyn qorǵaý maqsatynda áýe reısi keshikkenine salynǵan aıyppuldy tólemegeni úshin ákimshilik jaýapkershilik engizý máselesi qarastyrylyp jatyr», - deıdi ol.

Sondaı-aq, avıatsııa komıtetiniń ókili Qazaqstanda 2016 jyldan bastap áýe kompanııalary bılet baǵasyn derbes júrgizetinin eske saldy.

Buǵan deıin elimiz 2025 jylǵa deıin 45 áýe kemesin satyp alatynyn habarlaǵan edik.


Seriktester jańalyqtary

Jańalyqtar

Úrdis

MURAǴAT