Revaktsınatsııa taktıkasyn ózgerttik – Alekseı Tsoı
2021 jylǵy 9 jeltoqsan 08:32

Revaktsınatsııa taktıkasyn ózgerttik – Alekseı Tsoı

NUR-SULTAN. QazAqparat – QR Densaýlyq saqtaý mınıstri Alekseı Tsoı Úkimet otyrysynda halyqty revaktsınalaý taktıkasy ózgergenin málim etti, dep habarlaıdy QazAqparat tilshisi.

«Álemde qalyptasqan epıdemıologııalyq jaǵdaıdy eskere otyryp, ımmýndaý jónindegi ulttyq konsýltatıvtik komıssııa halyqty qaıta vaktsınatsııalaý taktıkasyn qaıta qarady.

Osylaısha, 8 jeltoqsannan bastap 6 aıdan keıin vaktsınatsııany eki dozamen aıaqtaǵan barlyq adamdar, sondaı-aq koronavırýs ınfektsııasymen aýyrǵan adamdar da qaıta vaktsınatsııalaýǵa jatady. Búgingi kúni revaktsınatsııamen 44 702 adam qamtyldy», - dedi mınıstr.

Onyń aıtýynsha, Densaýlyq saqtaý mınıstrligi koronavırýs ınfektsııasy shtamdarynyń aınalymdaǵy nusqalarynyń monıtorıngin turaqty negizde júrgizip keledi.

«Máselen, «Omıkron» shtamynyń paıda bolǵanyn eskerip, Almaty qalasynda atalǵan shtamm nusqasyna tán mýtatsııanyń bolýyna aldyn ala PTR skrınıngi júrgizildi. «Omıkron» shtamynyń nusqasy aınalymy anyqtalǵan joq. Qazaqstannyń barlyq óńirlerinde iriktelgen oń synamalardyń úlgilerin tolyq genomdyq turǵydan tekserý jalǵasýda», - dedi Alekseı Tsoı.


Uqsas jańalyqtar

Jańalyqtar

Úrdis

MURAǴAT