+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Rettik nómirim – 10: Erjan Maksım ózine daýys berýge shaqyrdy

2019 jylǵy 24 qarasha 10:31
Bólisińiz:
Rettik nómirim – 10: Erjan Maksım ózine daýys berýge shaqyrdy

GLIVITsE. QazAqparat – Polshanyń Glıvıtse qalasynda ótetin «Junior Eurovision-2019» án baıqaýynda el namysyn qorǵaıtyn Erjan Maksım ózine daýys berýge shaqyrdy, dep habarlaıdy QazAqparat.

«Daýys berý bastaldy. Dostar, jeksenbi, 24 qarasha kúni, saǵat 21:00-ge deıin, ıaǵnı kontsert bastalǵansha online daýys berý jalǵasady. Al qatysýshylar óner kórsetip bolǵannan keıin 15 mınýtqa qaıta ashylady. Meniń rettik nómirim - 10! Dál qazir BIO-daǵy siltemege ótip, daýys bere alasyzdar», - dep jazdy ánshi Instagram-paraqshada. ⠀

Al «Habar 24» telearnasyna bergen suhbatynda E.Maksım ózine senimdi ekenin aıtty.

«Basty daıyndyqtar jaqsy ótip jatyr. Qobaljý joq. Shynymdy aıtsam, ózime senimdimin. Qurmetti kórermenderim, qazaqstandyqtar, men úshin daýys berińizder. Daýys berý junioreurovision.tv saıtynda júrip jatyr. Qarsylastarǵa kelsek, Ýkraına, Aýstralııadan kelgen qatysýshylardyń daýystary jaqsy. Jalpy, barlyq úmitkerler myqty», - dedi ol.

Sondaı-aq ol kúnine 5-6 saǵattan daıyndalatynyn jetkizdi.

Baıraqty baıqaýdyń shyrqaý shegi jaqyndaǵan saıyn qobaljý men tolqý údeı túsýde. Osy kúnderi Glıvıtsede Erjannyń janynda júrgen anasy Gúlmıra Álibek te alańdaýly. Ol birneshe kún kóz ilmeı, ýaıymdaýmen keledi.

«Ekran aldynda árıne óziniń qobaljyp, ýaıymdap kútip otyrǵan ata-ájesi bar. Týma-týystarymyz bar, aǵaıyndarymyz, Qyzylordadan shaǵashylarymyz bar. Ondaǵy óziniń naǵashy ájesi bar. Barsha qazaq halqy bar. Reseılikterdiń kóbisi: «Biz Erjanǵa daýys beremiz, ol bizge unaıdy, qoldaý bildiremiz»,dep jazady», - deıdi Gúlmıra Álibek

Telearnanyń habarlaýynsha, daıyndyq barysynda jas darynymyz jergilikti glıvıtselik turǵyndar arasynda jankúıerler taýyp ta úlgergen. Qazaqtyń qarapaıym balasynyń ónerine tánti bolǵan polıaktar Erjan Maksımge mindetti túrde daýys beretinderin aıtýda.

«Junior Eurovision sharttary boıynsha óz elińniń qatysýshysyna da daýys berýge bolady. Biraq meniń búıregim Polshaǵa emes, basqa elderge buryp tur. Men Albanııaǵa, Armenııaǵa jáne álbette Qazaqstanǵa daýys bergim keledi. Ózime Erjan Maksımniń áni óte unaıdy. Maǵan arnap jazylǵan sııaqty. Óıtkeni meniń asqaq armandarym kóp. Solardyń biri kóp til bilip, álemdi sharlaý. Qazaq tilin úırenip, Nur-Sultan qalasyna barýdy qalaımyn», - deıdi volonter Marııa Kraevska.

Aıta keteıik, «Habar» agenttigi 24 qarasha kúni saǵat 21.00-de bastalatyn baıqaýdy tikeleı efırden kórsetedi.

Eske salaıyq, oraldyq E.Maksım «Junior Eurovision»-ǵa arnap «Armanyńnan qalma» ánine beınebaıan túsirdi. Onyń rejısseri - Aleksandr Flomboım, prodıýseri - Sergeı Rýtskıı. Ánniń avtorlary - Hamıt Shanǵalıev, Danııar Aldabergenov jáne Tımýr Balymbetov.

15 qarasha kúni Nur-Sultanda ótken baspasóz máslıhatynda Erjan sahnaǵa neshinshi nómirmen shyqqysy keletinin aıtty. Jerebe tartý kezinde oǵan 10-ynshy nómir tústi.

«Habar» agenttiginiń basqarma tóraǵasy Erlan Bekhojınniń sózinshe, bıyl baıqaýǵa negizinen Eýropalyq odaq elderiniń ókilderi qatysady. Ázerbaıjan men Túrkııa óz kandıdattaryn usynbaǵandyqtan, Erjan búkil túrki álemniń atynan óner kórsetetin bolady.

18 qarasha kúni Erjan Almaty áýejaıynan Polshaǵa ushyp shyqty. Ony týysqandary men jankúıerler shyǵaryp saldy.

19 elden qatysyp jatqan úmitkerler úshin daýys berý qarashanyń 22-sinen 23-ine qaraǵan túni saǵat 01.00-de bastaldy. Qazaqstandyqtar álemniń qaı túkpirinde júrse de óz otandasyna daýys bere alady. Ol úshin Junior Eurovision saıtyna kirip, tizimnen Erjanmen qatar taǵy 2 qatysýshyny tańdaý qajet. Keıin «Daýysty qabyldaý»/ «Daýys berý» túımeshegin basý kerek. Aıta keteıik, onlaın-daýys berý 24 qarasha kúni saǵat 21.00-de bastalatyn gala-kontsert aldynda ýaqytsha jabylady. Odan soń 15 mınýtqa qaıta ashylyp, taǵy bir márte daýys berý múmkindigi beriledi.

«Junior Eurovision» alǵash ret 2003 jyly Danııanyń Kopengagen qalasynda ótti. Bıylǵy baıqaýǵa 19 elden órender qatysady. Al Qazaqstan baıraqty básekege alǵash ret 2018 jyly Mınskide (Belarýs) qatysty. Elimiz atynan «Ózińe sen» ánimen Danelııa Tóleshova óner kórsetip, altynshy orynǵa ıe boldy. Bas júlde polshalyq Roksanna Vengelge buıyrdy. Ekinshi oryndy Frantsııa ánshisi Angelına, úshinshi oryndy avstralııalyq Djael Ýena jeńip aldy.

Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT