Respýblıkalyq shtab músheleri Arystaǵy balalar aýylynyń jetkinshekterimen júzdesti

ARYS. QazAqparat – Búgin QR Sybaılas jemqorlyqqa qarsy is-qımyl Agenttigi tóraǵasynyń keńesshisi, Respýblıkalyq aqparattyq úgit-nasıhat shtabynyń tóraǵasy Yrza Tursynzada men QR Sybaılas jemqorlyqqa qarsy qyzmettiń ókili Arman Berdalın Arys qalasyndaǵy «T.Tájibaev atyndaǵy otbasy úlgisindegi balalar aýylynyń» tárbıelenýshilerimen júzdesti, dep habarlaıdy QazAqparat tilshisi

Rýhanı kezdesý jas óskinderdi jaqsylyq jasaýǵa jigerlendirý men qoǵamnyń ary taza azamattary etip tárbıeleý maqsatynda uıymdastyryldy.

Igilikti sharada Nur-Sultannan arnaıy kelgen Respýblıkalyq shtabtyń músheleri balalardy parasatty bolýǵa úndedi. Sondaı-aq, buǵan deıin Túrkistan oblystyq sybaılas jemqorlyqqa qarsy is-qımyl departamentiniń bastamasymen ótken «Jemqorlyq balalar kózimen» baıqaýynyń júldegerlerine arnaıy syılyqtardy tabystady.

Aıta keteıik, QR Sybaılas jemqorlyqqa qarsy is-qımyl agenttiginiń Túrkistan oblystyq departamenti Arys qalasynda ornalasqan balalar aýylynyń 63 tárbıelenýshisin óz qamqorlyǵyna alyp, olarǵa aı saıyn qoldaý kórsetip keledi.