Valıýta baǵamdary:
    usd/kzt 431.41 eur/kzt 452.94

    rub/kzt 6.92 cny/kzt 63.83
Aýa raıy:
Nur-Sultan: 1 °S
Almaty: 15 °S

Respýblıkalyq avtojoldar boıynda qardan qorǵaıtyn 55 myń metr qalqan ornatylady

2022 jylǵy 26 qańtar 16:00

NUR-SULTAN. QazAqparat - Qazirgi ýaqytta elimizdegi avtotrassalarda 133 jylytý beketi jumys istep tur, dep habarlaıdy QR IIDM baspasóz qyzmeti.

Respýblıkalyq joldardy qysqy maýsymda kútip ustaýǵa «Qazaqavtojol» JShS kásiporny 1 myńnan astam arnaıy tehnıka jumyldyrdy. Kóktaıǵaqqa qarsy 122 myń tekshe metrden asa qum men untaq, 18 myń tonnaǵa jýyq tuz jáne hımııalyq reagentter daıyndaldy.

Sonymen qatar, qar qursaýy paıda bolýy múmkin jerlerde 55 myń metrden astam qardan qorǵaıtyn qalqandar jáne 5 myńǵa jýyq ýaqytsha jol belgileri ornatylýda.

Búgingi tańda respýblıkalyq joldardyń barlyǵy ashyq. Olardy kútip ustaý jumystary táýlik boıy júrgiziledi. Qar basatyn barlyq ýchaskelerde aýa-raıynyń ózgerýine baılanysty jáne jol elementterin aýystyrý úshin shuǵyl áreket etetin táýlik boıǵy patrýldeý uıymdastyryldy. Sondaı-aq, saparda qıyn jaǵdaıǵa tap bolǵan jolaýshylar úshin el boıynsha 133 jylytý beketi jumys isteıdi.

Oqys jaǵdaılar týyndaǵan kezde jol qozǵalysyna qatysýshylar 1403 nómiri boıynsha táýlik boıy isteıtin call-ortalyqqa habarlasa alady.


Novostı po teme
Uqsas jańalyqtar