Reseılik portal Golovkınniń «Kanelony» jeńgeni jaıly dálelder keltirdi

NUR-SULTAN. QazAqparat – «Chempıonat» reseılik portaly qazaqstandyq boksshy Gennadıı Golovkın meksıkalyq Saýl «Kanelo» Alvareske qarsy revanshta jeńgeni jaıly naqty dálelder keltirdi, dep habarlaıdy QazAqparat Sports.kz saıtyna silteme jasap.

Uqsas jańalyqtar

Golovkınniń «Kanelodan» soń kimmen aıqasatyny belgili boldy

Sheremetanyń promoýteri Golovkınmen tıtýldyq jekpe-jektiń jańa datasyn aıtty P4P: Golovkın úzdik boksshylardyń jańa reıtınginde óz ornyn saqtap qaldy Sheremetanyń bapkeri Gennadıı Golovkınniń daıyndyǵy týraly aıtty

«Boksshylar revansh ótkizý úshin biraz qıyndyqtardan ótti. Ol meksıkalyq boksshynyń dopıng daýymen baılanysty boldy. «Kanelo» aǵzasynan klenbýterol tabylyp, 2018 jyldyń mamyryndaǵy aıqas keıinge qaldyryldy. Gennadıı ýaqyt joǵaltyp almas úshin Vanes Martırosıanmen aıqas ótkizdi.

Jalpy, «Kanelo» men GGG ekinshi jekpe-jegi birinshi kezdesýdiń jalǵasy boldy. Boksshylar ashyq jáne sapaly boks kórsetti, tynbaı jumys istedi. Birinshi kezdesýmen salystyrǵanda Saýl ústem boldy. Alaıda, ol kezdesý barysyn baqylaýǵa aldy dep aıtýǵa kelmeıdi. Jekpe-jek kezinde ekeýi de aýyr soqqyǵa tótep bere alatynyn kórsetti. Chempıondyq raýndtarda qazaqstandyq basym bolyp kórindi. Biraq, qarsylasyn jeńý úshin bul da jetkiliksiz edi. Sondaı-aq, tóreshiler jeńisti Saýlge berdi - 114:114, 115:113 jáne 115:113.

Statıstıkaǵa qarasaq, tóreshilerdiń aǵat sheshimi taǵy da kórinip-aq tur. Bul joly protsenttik turǵydan «Kanelo» Gennadııge qaraǵanda aıtarlyqtaı dálirek boldy. Ol sonymen birge, qarsylasyna baǵyttalǵan soqqylardyń sany boıynsha alshaqtyqty qysqarta aldy. Biraq sandarǵa qarasań, jaqsy nátıje kórsetpegen – 622 soqqynyń 202-si (32,5%), Golovkınde 879 soqqynyń 234-i (26,6%) dál tıgen. Bul sandarǵa qarap-aq kimniń jeńgenin kórýge bolady», - dep jazdy portal.