+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Reseılik kompanııa Túrkistanda 500 gektarlyq jylyjaı salady

2019 jylǵy 17 mamyr 13:10
Bólisińiz:
Reseılik kompanııa Túrkistanda 500 gektarlyq jylyjaı salady

NUR-SULTAN. QazAqparat - Jylyjaı kesheni arqyly reseılik kompanııa 10 myń jumys orynyn ashpaq, dep habarlaıdy QazAqparat tilshisi.

«Bizdiń kompanııa Reseıde 10 jyldan beri kókónis ósirýmen aınalysyp keledi. 200 gektarǵa jýyq joǵary tehnologııaly jylyjaılarymyz bar. 100 myń tonnaǵa deıin jylyna kókónis satamyz. Aldaǵy ýaqytta Qazaqstanda birshama iri jobalardy iske asyrsaq degen oıymyz bar. Naqtyraq aıtqanda, Almaty oblysynda 80 gektar aýmaqta jylyjaı salý josparlanǵan. Sonymen birge, búgin «Qazaq ınvest» kompanııasymen memorýndamǵa qol qoıdyq. Ol boıynsha Túrkistan oblysynda 500 gektarlyq aýmaqqa jylyjaı salý jobasyna 1 mlrd dollar quıamyz. Jobany júzege asyrý barysynda 10 myńǵa tarta jumys oryny ashylady», - deıdi «APH EKO-KÝLЬTÝRA» kompanııasynyń basshysy Aleksandr Rýdakov AEF-tyń ınvestıtsııalarǵa qatysty sessııasy aıasynda tilshilerge bergen suhbatynda.

Onyń aıtýynsha, Túrkistan óńiri kókónis ósirýge óte qolaıly.

«Osy joba arqyly 200 myń tonna kókónis ósirip, Reseı naryǵyna kirkizsek deımiz. Reseıge qazirgi ýaqytta syrttan sapasyz 800 myń tonna kókónis engizilýde. Al biz osy sapasyz ónimdi ornyn sapaly kókónispen almastyratyn bolamyz. Jobany júzege asyrýda qoldaý bildirip jatqan QR Úkimeti men «Qazaq ınvest» kompanııasyna alǵys bildiremiz», - deıdi ol.

Eske sala ketsek, elordada keshe QR Tuńǵysh Prezıdenti - Elbasy Nursultan Nazarbaev pen QR Prezıdenti Qasym-Jomart Toqaevtyń qatysýymen XII Astana ekonomıkalyq forýmy bastalǵan bolatyn.

AEF-tyń basty maqsaty - jahandyq úrdisterdi zertteý jáne Qazaqstan damýynyń praktıkalyq saıasatyn jasaý úshin ekonomıkalyq saıasat pen ǵylym salasynda tájirıbe almasý alańyn qurý. 11 jyl ishinde Astana ekonomıkalyq forýmy (AEF) álemdik ekonomıka men qarjy júıesin jetildirý jáne damytý máselelerin talqylaýǵa arnalǵan eń bedeldi halyqaralyq platformalardyń biri retinde mártebege ıe boldy.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT