+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Reseılik ınvestorlarǵa «Qyzyljar» ekonomıkalyq aımaǵy tanystyryldy

2019 jylǵy 8 qarasha 21:16
Bólisińiz:
Reseılik ınvestorlarǵa «Qyzyljar» ekonomıkalyq aımaǵy tanystyryldy

PETROPAVL. QazAqparat – Qazaqstan-Reseı XVI óńiraralyq forýmynda Soltústik Qazaqstan oblysy reseılik ınvestorlarǵa jańadan qurylǵan ekonomıkalyq aımaqtyń tıimdiligin paıdalanýdy usyndy, dep habarlaıdy QazAqparat tilshisi.

Ombyda ótken Qazaqstan-Reseı XVI óńiraralyq forýmy aıasynda SQO ákimi Qumar Aqsaqalov reseılik bıznesmendermen kezdesti. Oblys ákimi baspasóz qyzmetiniń habarlaýynsha, Petropavlda jańadan qurylǵan arnaıy ekonomıkalyq aımaq áńgime ózegine aınaldy. Onda aýyl sharýashylyǵy ónimderin qaıta óńdeý jáne sıntetıkalyq materıaldardy shyǵarý josparlanǵan.

Arnaıy ekonomıkalyq aımaqta ónimi eksportqa baǵyttalǵan kásiporyndar ashylyp, nátıjesinde 3 myń jańa jumys orny paıda bolady. Óńirde qazir 500-den astam óndiris orny reseılik ınvestorlardyń qoldaýymen jumys istep jatyr. Oǵan oblysta shaǵyn jáne orta bızneske jasalyp otyrǵan qolaıly jaǵdaı sebep. Arnaıy ekonomıkalyq aımaq aıasynda jumys isteıtin kásipkerlerge basqa da kóptegen tıimdi usynystar bar.

«Salyq tóleýde jeńildikter boldy. Infraqurylym memleket esebinen tartylady. Jer ýchaskesin beremiz. Arnaıy ekonomıkalyq aımaq 25 jylǵa qurylǵan. Óńdeýshi ónerkásip baǵytynda jumys isteıdi. Basymdyq beriletin ınvestıtsııalyq jobalar bar, olardy korporatıvtik tabys salyǵynan 10 jylǵa deıin jáne jer, múlik salyǵynan bosatý múmkindigi bar», - deıdi SQO ákiminiń orynbasary Dáýren Jandarbek.

Forým aıasynda Ýálıhanov aýdanyndaǵy qıyrshyq tas ken ornyn paıdalanyp, qurylys materıalyn temirjoldy qaıta qalpyna keltirý arqyly Omby oblysyna satý máselesi talqylandy.

«Temirjoldy salý arqyly tasymaldaý kólemin birneshe ese ulǵaıtamyz. Reseılik tarap arzan materıal alady, biz ınvestıtsııa tartamyz. Zaýyttar salynyp, oblysta jańa jumys oryndary ashylady», - dedi Qumar Aqsaqalov.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT