FÝTBOLDAN ÁLEM ChEMPIONATY-2022

Reseıden kelgen 7 myń adam Qazaqstanda jumys isteýge ótinish bergen

2022 jylǵy 30 qyrkúıek, 16:16
Reseıden kelgen 7 myń adam Qazaqstanda jumys isteýge ótinish bergen

ASTANA. QazAqparat – Reseıden kelgenderdiń arasynda 7 myń adam Qazaqstanda jumys isteýge ótinish bergen. Bul týraly Eńbek jáne halyqty áleýmettik qorǵaý vıtse-mınıstri Oljas Ordabaev aıtty, dep habarlaıdy QazAqparat tilshisi.

«Reseıden kelgenderge jekeleı jaǵdaı jasalmaıdy. Ol belgili jaǵdaı. Qazirgi kezde Reseıden kelip, Qazaqstanda júrgen 353 myń adam bar. Onyń 7 myńy ǵana Qazaqstanda jumys isteýge kelgen. Sondyqtan reseılikterdiń kelýi eńbek naryǵyna áser etpeıdi. Atap aıtqanda, reseılikterdiń jumysqa turýyna jaǵdaı jasalmaıdy», - dedi R. Ordabaev Ortalyq kommýnıkatsııalar qyzmetinde.

Budan buryn habarlanǵandaı, Premer-Mınıstrdiń orynbasary - Saýda jáne ıntegratsııa mınıstri Serik Jumanǵarın Reseıden Qazaqstanǵa qaraı óte almaı turǵan elimizdiń azamattary úshin «jasyl dáliz» ashylatynyn aıtty.

Onyń aıtýynsha, Qazaqstanǵa kelgen reseılikter azyq-túlik qaýipsizdigine qaýip tóndirmeıdi.


Uqsas jańalyqtar
Seriktester jańalyqtary

Jańalyqtar