FÝTBOLDAN ÁLEM ChEMPIONATY-2022
  Jańalyqtar  >
  Qoǵam

Reseıden Qazaqstanǵa óte almaı turǵan el azamattaryna jasyl dáliz ashylady

2022 jylǵy 29 qyrkúıek, 11:26
Reseıden Qazaqstanǵa óte almaı turǵan el azamattaryna jasyl dáliz ashylady

ASTANA. QazAqparat – Reseıden Qazaqstanǵa qaraı óte almaı turǵan elimizdiń azamattary úshin «jasyl dáliz» ashylady. Bul týraly Premer-Mınıstrdiń orynbasary - Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

Sońǵy kúnderi reseılikterdiń Qazaqstanǵa qaraı aǵylýy saldarynan shekarada turyp qalǵan elimizdiń azamattaryna kómek kórsetilmek.

«Keshe ǵana Reseı Federatsııasyndaǵy vıtse-prmer áriptesimmen kelissóz júrgizdim. Óıtkeni shekaranyń arǵy betinen beri qaraı óte almaı turǵan Qazaqstan azamattary da bar. Osy oraıda azyq-túlik tıelgen kólikterge qatysty RF jaǵymen ýaǵdalastyq jasaldy. Bul másele boıynsha tıisti tártip engizilmek, ıaǵnı búgin eki eldiń shekara qyzmetteri ózara kelisip, tıisti áreketter jasaıdy. Sondyqtan bizdiń azamattar men azyq-túlik tıelgen kólikter úshin «jasyl dálizdi» qamtamasyz etýge tyrysamyz», - dedi S. Jumanǵarın Senatta tilshiler saýalyna jaýap bere otyryp.

Onyń aıtýynsha, Qazaqstan azamattaryna arnalǵan atalǵan dáliz búgin nemese erteń ashylady.

«Reseı Úkimeti ózderiniń shekarashylaryna tıisti tapsyrma berdi. Biz de shekara qyzmetine osy tártip jaıynda túsindiremiz. Qazan aıy bastalǵanǵa deıin bul másele sheshiledi», - dedi mınıstr.


Tegı:
Qoǵam   Reseı   Shekara  
Uqsas jańalyqtar
Seriktester jańalyqtary

Jańalyqtar