Reseıdegi qazaq balalary Aqtóbege kelip, ana tilin úırenip ketti
2022 jylǵy 2 shilde 05:32

Reseıdegi qazaq balalary Aqtóbege kelip, ana tilin úırenip ketti

AQTÓBE. QazAqparat - Aqtóbe oblysynyń ákimi Ońdasyn Orazalın «Ana tili álemi» halyqaralyq til lagerinde demalyp jatqan balalarmen jáne olardyń ata-analarymen kezdesti. Reseıde turatyn qazaq balalary ana tilin úırenip, salt-dástúrmen tanysyp ketti, dep habarlaıdy QazAqparat tilshisi.

Halyqaralyq til lageri Aqtóbe jáne Orynbor oblystarynyń arasyndaǵy yntymaqtastyq týraly memorandým aıasynda uıymdastyryldy. Nazarbaev zııatkerlik mektebinde ashylǵan lagerde Reseı Federatsııasynyń

Sankt-Peterbýrg, Orsk qalalarynda, Orynbor, Saratov, Omby jáne Chelıabi oblystarynda,
Altaı, Tatarstan Respýblıkalarynda turatyn etnıkalyq qazaq otbasylarynan shyqqan otyz bala demaldy. Júzdesý barysynda oblys ákimi balalarmen tildesip, eki óńirdiń bilim salasyndaǵy yntymaqtastyq jalǵasatynyn ótap ótti.
«Kóńildi demalys uıymdastyrýmen qatar basty mindet sizderge qazaq tilinde kúndelikti qoldanylatyn qarapaıym sózderdi úıretý, ana tilin úırenýge kómektesý boldy. Bul tek basy ǵana. Eki óńir arasyndaǵy bilim salasyndaǵy yntymaqtastyq ári qaraı jalǵasatyn bolady. Men sizdermen, sizderdiń ata-analaryńyzben sizderdiń tilek-usynystaryńyzdy tyńdaý úshin kezdesdim»,- dedi Ońdasyn Orazalın.

«Qazaq tili» halyqaralyq ortalyǵynyń Orynbordaǵy ókildiginiń tóraıymy Sáýle Taıkeshova men ata-analar oblys basshylyǵyna nazar aýdaryp, osy jobany qoldaǵany úshin rızashylyqyn bildirdi. Óz kezeginde lagerge qatysýshylar tarıhı Otanyna sapardyń mańyzy zor ekenin jáne kóp áser qaldyrǵanyn aıtty. Balalar lagerde ótken demalystary jaıynda qazaq tilinde baıandady.
Lagerdiń 12 kúnge josparlanǵan baǵdarlamasy oqıǵaǵa toly boldy. Qazaq tilin úıretýge, qazaq halqynyń salt-dástúrlerimen tanystyrýǵa basymdyq berildi. Balalar ulttyq qoldanbaly ónerdiń qyr-syryn, dombyra tartýdy, jylqyǵa minýdi, ulttyq oıyndar oınaýdy
úırendi.

Budan bólek, mádenı sharalarǵa, óńirdegi kıeli oryndarǵa jáne t.b. saıahat uıymdastyryldy.

Senbide balalar Mártók aýdanynyń kórikti jerlerin tamashalap, keıin úıine qaıtady. Kezdesý sońynda oblys ákimi balalarǵa estelik ashyq hat pen kádesyılar tabys etip, ári qaraı ana tilderin úırenýde tabys tiledi.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT