+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Reseıde tabylǵan qazaqstandyq maıdangerlerdiń súıekteri qaıta jerlendi

2019 jylǵy 30 qazan 09:43
Bólisińiz:
Reseıde tabylǵan qazaqstandyq maıdangerlerdiń súıekteri qaıta jerlendi

LENINGRAD. QazAqparat – Reseıdiń Lenıngrad oblysynda 1941 jyly qaza tapqan qazaqstandyq jaýyngerlerdiń súıekteri jer qoınyna tapsyryldy, dep habarlaıdy «QazAqparat» Qazaqstannyń Reseıdegi Elshiliginiń resmı saıtyna silteme jasap.

Uqsas jańalyqtar

Aqparatqa sáıkes, Lenıngrad oblysynyń Lodeınopolsk mýnıtsıpaldyq aýdanynyń Svırstroı qalashyǵynda 1941 jyldyń qyrkúıeginde Ekinshi dúnıejúzilik soǵysta qaza tapqan 314-shi atqyshtar dıvızııasy 1076-shi atqyshtar polki 1-batalonynyń 61 jaýyngerin jerleý rásimi boldy. Dıvızııa 1941 jyldyń shilde-tamyz aılarynda Qazaqstannyń Petropavl qalasynda jasaqtalǵan. Bastapqyda dıvızııa quramynyń 70% astamy Soltústik Qazaqstan oblysynyń jáne Petropavl qalasynyń turǵyndary bolǵan. Dıvızııa: basshylyq quramnyń 777 adamy, kishi basshylyq quramnyń 1543 adamy jáne 8611 qatardaǵy sarbazdan quralǵan.

1941 jyldyń tamyzynda 314-dıvızııa qazirgi Novgorod oblysyndaǵy Hvoınaıa stansysyna jiberilip, 7-armııanyń Ońtústik jedel tobynyń quramyna – Karel maıdanyna attanady.

1941 jylǵy 12 qyrkúıekte aldyńǵy sheptiń otrıady Svır (qazirgi Svırstroı) arqyly Podporoje qalasyna jetedi de, kele sala fashısterge qarsy shaıqasqa kirisedi. Qııan-keski aıqasta dıvızııa jeke quramynyń basym bóliginen aıyrylady. Sonyń birazy qaza tapsa, taǵy birshamasy habar-osharsyz ketedi.

Qazaqstan men Reseıdiń izdeý jasaqtarynyń qajyrly eńbeginiń arqasynda qazirgi Svırstroı mańynan 314-shi atqyshtar dıvızııasy 1076-shi atqyshtar polki 1-batalonynyń 61 jaýyngeriniń súıekteri tabyldy.

Jaýyngerlerdiń múrdeleri Svırstroı áskerı memorıal molasyna jerlenip, aty-jónderi jazylǵan mármár taqtalar qoıyldy.

Qazaqstan tarapynan jerleý rásimine Sankt-Peterbýrgtegi QR Bas konsýldyǵynyń konsýly T.Sadyrov, «Arǵyn-Qaraýyl» qoǵamdyq birlestiginiń basshysy S.Eslámov, Petropavl qalasy Ardagerler keńesi tóraǵasynyń orynbasary I.Táttibaev, GTK Іzdeý jasaǵynyń komandıri E.Abdýllın, Petropavl qalasyndaǵy 314-shi atqyshtar dıvızııasyna arnalǵan mýzeıi bar №2 orta mekteptiń dırektory A.Baıbýrına, №2 mekteptiń tarıh pániniń oqytýshysy K.Qospaqaev jáne qaza tapqan jaýynger A.M. Artemevtiń týystary qatysty.

Jerleý rásiminiń sońynda «Pamıat» jobasynyń basshysy A.Narvatkına RF Qorǵanys mınıstrliginen alynǵan jaýyngerlerdiń shaıqasqa qatysýy týraly qujattardy tapsyrdy.

Svır irgesinde qaza tapqan, búginde aty-jónderin anyqtaý múmkin bolǵan jaýyngerlerdiń tizimi:

Artemev Aleksandr Mıhaılovıch, 22.03.1908 jyly týǵan;

Babkın Stepan Maksımovıch, 1914 j.

Bondarıýk Sergeı Osıpovıch, 1906 j.

Gerasımenko Anton Trofımovıch, 1914 j.

Eremýshkın Fedor Borısovıch, 1914 j.

Kolodaev Afanasıı Petrovıch, 1907 j.

Kolodkın Nıkolaı Stepanovıch, 1907 j.

Mandrygın Ignatıı Petrovıch, 1910 j.

Nıkýlın Sergeı Georgıevıch, 1905 j.

Sagaıdak Nıkolaı Petrovıch, 1907 j.

Starovoıchenko Ivan Vasılevıch, 1912 j.

Fomın Pavel Stepanovıch, 1907 j.

Eske salaıyq, atalmysh sharaǵa qatysý úshin Soltústik Qazaqstan oblysynan delegatsııa attanǵanyn buǵan deıin jazǵan bolatynbyz.

Bizdiń kanalymyzǵa jazylyńyz:

Basty sózder: Qoǵam, Reseı,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT