Reseıde shahtadaǵy jarylystan ólgenderdiń sany 11-ge jetti
2021 jylǵy 25 qarasha 16:27

Reseıde shahtadaǵy jarylystan ólgenderdiń sany 11-ge jetti

KEMEROVO. TASS-QazAqparat – Qutqarýshylar Kýzbass qalasyndaǵy shahtadan taǵy bir kenshiniń máıitin anyqtady. Osylaısha, ondaǵy jarylystan qaza bolǵandar sany 11 adamǵa jetti. Bul týraly Kemerovo oblysynyń gýbernatory Sergeı Tsıvılevtiń Telegram-daǵy resmı arnasynda málim etti, dep habarlaıdy QazAqparat TASS agenttigine silteme jasap.

«Jańa ǵana qaza tapqan taǵy bir adam týraly belgili boldy. Ólgender sany 11 adamǵa jetip otyr», - delingen habarlamada.

Kýzbass úkimetiniń resmı saıtynan habarlanǵandaı, shahtadan barlyǵy 46 adam, sonyń ishinde qaza bolǵan 11 adam shyǵa almaǵan, qutqarý operatsııasy jalǵasyp jatyr. Aýrýhanalarda óndiristik apattan zardap shekken 43 adam jatyr, olardyń tórteýiniń jaǵdaıy óte aýyr, 39 adam jeńil jáne ortasha aýyr halde.

Shuǵyl qyzmetterdegi derekkóz málimetinshe, barlyǵy 46 kenshi zardap shekken.

RF Bas prokýratýrasynyń saıtynda qadaǵalaýshy vedomstvonyń shahtadaǵy tótenshe oqıǵany baqylaýǵa alǵany habarlanyp otyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT