+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Reseıde Oraz-Muhammed sultanǵa eskertkish taqta ornatyldy

2019 jylǵy 15 qarasha 16:52
Bólisińiz:
Reseıde Oraz-Muhammed sultanǵa eskertkish taqta ornatyldy

NUR-SULTAN. QazAqparat – Reseıdiń Rıazan oblysyna qarasty Qasymov qalasynda Joshy ulysynan shyqqan Oraz-Muhammed sultanǵa memorıaldyq taqta ornatyldy, dep habarlaıdy QazAqparat tilshisi Reseıdegi Qazaqstan elshiliginiń baspasóz qyzmetine silteme jasap.

Qasym handyǵyn basqarǵan Oraz-Muhammed sultanǵa eskertkish taqtany ornatý ıdeıasynyń avtory – Reseı Federatsııasyndaǵy Qazaqstan Respýblıkasynyń Tótenshe jáne Ókiletti Elshisi Imanǵalı Tasmaǵambetov. Estelik belgi Oraz-Muhammed jerlengen Eski tatar zıratynda, Reseıdiń mádenı muralar nysanyna engen Aýǵan-Muhammed sultannyń kesenesine jaqyn jerde ornatyldy.


«Sóz joq, bul – bir tulǵaǵa ǵana emes, tutas bir dáýirge, sonaý alasapyran dáýirdegi qazaq sultandyǵynyń Reseıdegi tarıhı izine, eki halyqtyń arasyndaǵy dostyq pen yntymaqtyń, birlik pen tirliktiń ózine qoıylǵan eskertkish dep bilemin. Sol sebepti, Oraz-Muhammedtiń esimi búgingi urpaq sanasynda orys-qazaq dostyǵynyń sımvoly ári eki el arasyndaǵy dıplomatııalyq alys-beristiń qarlyǵashy retinde máńgi saqtalady», - dedi saltanatty shara barysynda Elshi Imanǵalı Tasmaǵambetov.


Ol sondaı-aq bastamaǵa qoldaý kórsetken Rıazan oblysynyń ákimshiligi men dıplomatııalyq ókildigine alǵys bildirdi.

Memorıaldyq taqtany jasaý úshin tabıǵı qońyr tústi granıt paıdalanylǵan. Eskertkishtiń bıiktigi úsh metr. Tóbesine doǵal kúmbez ornatylǵan. Estelik taqtaǵa «Oraz-Muhammed Ondanuly, 1573-1610. Qazaq sultany, Qasym handyǵyn bıleýshi», dep jazylǵan.



Eske sala keteıik, Oraz-Muhammed sultan Qazaq handyǵynyń negizin qalaǵan Jánibek hannyń tikeleı urpaǵy, Táýekel hannyń inisi Ondan sultannyń uly. Ol óz zamanynda orys patshasyna baǵynyshty aımaqta handyqty bılep, qazaq sultandarynyń arasynda shet elde úlken abyroıǵa ıe bolǵan áıgili tarıhı tulǵanyń biri.

Oraz-Muhammedtiń erligi men ómiri týraly kóptegen derekterdi jat jerde sultannyń senimdi serigine aınalǵan shejiresi Qadyrǵalı Jalaırı jazyp qaldyrǵan. Jazýshy Muhtar Maǵaýınniń «Alasapyran» atty tarıhı romanynda qazaq sultanynyń qaıratkerligi, parasattylyǵy men qaharmandyq kelbeti sheber sýretteledi.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT