+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Reseıde qus tumaýynyń órshýine baılanysty SQO-da aldyn alý jumystaryn júrgizilip jatyr

2021 jylǵy 27 shilde 17:15
Bólisińiz:
Reseıde qus tumaýynyń órshýine baılanysty SQO-da aldyn alý jumystaryn júrgizilip jatyr

PETROPAVL. QazAqparat – Reseıdiń shekaralas óńirlerinde qus tumaýynyń beleń alýyna baılanysty Soltústik Qazaqstan oblysynda aýrýdyń aldyn alýǵa baǵyttalǵan jumystar qyzdy, dep habarlaıdy QazAqparat tilshisi.

Uqsas jańalyqtar
Petropavlda qutqarýshylar qıraǵan kóliktiń esigin kesip júrgizýshini alyp shyqty

QR Aýyl sharýashylyǵy mınıstrligi veterınarlyq baqylaý jáne qadaǵalaý komıtetiniń SQO aýmaqtyq ınspektsııasynyń málimetinshe, Reseıde qus tumaýy órshigen. Jergilikti mamandar ondaǵy epızotıkalyq jaǵdaıdy baqylaýda ustap otyr. Búginge deıin kórshi elde qus aýrýy boıynsha jaısyz aımaq retinde 11 eldi meken esepke alynsa, sonyń 7-ýinde jabaıy qustar qyrylǵan. Onyń ishinde óńirmen shekaralas Túmen oblysy da bar. Bul aımaqta qus tumaýynyń eki jaǵdaıy tirkeldi. Qaýipti dert jabaıy jáne úı qustarynan da anyqtalǵan.

«Qaýipti aýrý bizdiń óńirge de kelýi múmkin. Ókinishke oraı ótken jyly da qus tumaýy bizge Reseıden kelgen edi. Byltyrǵy epızootıkalyq jaǵdaıdy eskere otyryp, aldyn alý jumystaryn júrgizip jatyrmyz. Aýrýmen kúresýdiń tıimdi tásili - vaktsınatsııa. Jyl basynan oblys boıynsha turǵyndardyń 556 myń qusyna ekpe egildi», - deıdi QR Aýyl sharýashylyǵy mınıstrligi veterınarlyq baqylaý jáne qadaǵalaý komıtetiniń SQO aýmaqtyq ınspektsııasynyń basshysy Marat Ibraev.

SQO-da jyl sońyna deıin taǵy 554 myń qusqa vaktsına salý josparlanǵan. Al qus fabrıkalary vaktsınatsııany óz qarajatyna júrgizýge mindetti. Kásiporyndarda ımmýndaý jumysy aıaqtaldy. Bazarlar men saýda oryndary baqylaýǵa alynǵan.

«Ekinshi jarty jyldyqqa josparlanǵan vaktsına óńirge qazir kele jatyr. Bir aılyq balapandarǵa deıin ekpe egemiz. Qazirgi ýaqytta Túmen oblysymymen shekara beketi jabyq. Qalǵan beketterimizde bizdiń veterınar mamandarymyz jumys isteıdi. Jalpy jyl basynan veterınarlyq shekteýlerdi buzýǵa qatysty 4 fakti anyqtaldy. Reseıden ákele jatqan ónim shekaradan kirgizilmedi», - deıdi Marat Ibraev.

Byltyr SQO-da qus tumaýy 12 aýdannyń 54 mekeninde tirkeldi. Jalpy óńirde 1,5 mln qus qyryldy. Bıyl maýsymda Aıyrtaý aýdanynda jabaıy qustarda aýrý anyqtalǵan edi. Veterınarlar qus tumaýynan ólgen 104 qusty jınap alyp, joıdy.



Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT