Reseıde koronavırýsqa shaldyqqandar sany 900 myńnan asty

MÁSKEÝ. TASS – QazAqparat - Reseıde bir táýlik ishinde koronavırýs 5 102 adamnan anyqtalyp, indetti juqtyrǵandardyń jalpy sany 902 701-gejetti. Bul týraly sársenbi kúni tilshilerge jedel shtabtan málim etti, dep habarlaıdy QazAqparat TASS agenttigine silteme jasap.

Shtab málimetinshe, vırýsty juqtyrýdyń bir táýliktegi ósimi on birinshi kún qatarynan 0,6 paıyzdan kóterilmeı tur.

Máselen, Máskeý qalasynda jańadan 689 oqıǵa, Sverdlov oblysynda – 167, Sankt-Peterbýrgte – 161, Máskeý oblysynda – 152 jáne Rostov oblysynda 127 oqıǵa anyqtalǵan.

Qazirgi kezde elde 177 143 adam koronavırýstan emdelip jatyr. Táýlik ishinde aýrýhanadan 7 123 adam emdelip shyqsa, barlyǵy 710 298 adam indetten aıyqqan. Aýrýdan jazylyp shyqqandardyń úlesi Reseıde koronavırýs juqtyrǵan adamdardyń jalpy sanynyń 78,7 paıyzyn qurap otyr.

Qaýipti vırýstan qaıtys bolǵandar sany táýlik ishinde 129 adamǵa kóbeıgen, ınfektsııadan barlyǵy 15 260 adam kóz jumdy. Reseıde indetten qaıtys bolǵandardyń úlesi aýrý juqtyrǵan adamdardyń jalpy sanynyń 1,69 paıyzyn qurap otyr.