Reseıde karonavırýstyń deltakron shtamy anyqtaldy
2022 jylǵy 11 tamyz 22:42

Reseıde karonavırýstyń deltakron shtamy anyqtaldy

MÁSKEÝ. QazAqparat – SARS-CoV-2 vırýsynyń genomdyq tizbekteriniń ulttyq derekqorynda (VGARus Database) koronavırýstyń «delta» jáne «omıkron» nemese «deltakron» dep atalatyn gıbrıdti shtamdaryna taǵaıyndalǵan alty genomdyq tizbegi bar, bes úlgi Sankt-Peterbýrgte, bireýi Máskeýde alyndy, dep habarlaıdy QazAqparat TASS agenttigine silteme jasap.

«10 tamyzdaǵy jaǵdaı boıynsha VGARUS bazasyna Sovid-19 kórsetilgen nusqasyna jatqyzylǵan alty genomdyq tizbek júktelgen. Zertteýge arnalǵan bes úlgi Sankt-Peterbýrgte, bireýi Máskeýde alyndy», - delingen Rospotrebnadzor habarlamasynda.

Bul nusqa koronavırýs ınfektsııasynyń domınant emes jelilerine jatady jáne qazirgi ýaqytta eki qalanyń epıdemıologııalyq ahýalyna aıtarlyqtaı áser etpeıdi. Máskeý men Sankt-Peterbýrgtegi epıdemıologııalyq jaǵdaı jalpy Reseıdegi jaǵdaıǵa uqsas, ol shtamm quramynda BA.5 nusqasynyń basym bolýymen BA.4 jáne BA.5 jelileriniń belsendi taralýymen sıpattalady.

Rospotrebnadzordyń habarlaýynsha, koronavırýstyń gıbrıdti nusqasy bar naýqastar aýrýdy jeńil túrde bastan ótkerdi, olardy aýrýhanaǵa jatqyzý qajet emes.

Vedomstvodan naqtylanǵandaı, qazirgi ýaqytta gıbrıdti nusqa aýrýdyń neǵurlym aýyr aǵymyna ákeledi nemese kóbirek taralady dep aıtýǵa negiz joq. Jalpy, gıbrıdterdiń paıda bolýy erekshe qubylys emes, protsess kóptegen vırýstarǵa tán jáne evolıýtsııalyq-beıimdelý mehanızmderiniń biri sanalady.

«Buǵan deıin COVID-19 gıbrıdti shtamdary Eýropada, AQSh-ta jáne Latyn Amerıkasynda tirkelgen. Olar halyq arasynda keń taraǵan joq», - delingen habarlamada.


Foto: tass.ru


Uqsas jańalyqtar
Seriktester jańalyqtary

Jańalyqtar

Úrdis

MURAǴAT