Reseı jáne Qytaımen shekaralas alańdarda jańa qorǵasyn-myrysh ken oryndary ashylýy múmkin
2022 jylǵy 19 mamyr 10:52

Reseı jáne Qytaımen shekaralas alańdarda jańa qorǵasyn-myrysh ken oryndary ashylýy múmkin

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi, Geologııa komıtetiniń tóraǵasy Talǵat Satıevtiń aıtýynsha, Reseı jáne Qytaımen shekaralas alańdarda jańa qorǵasyn-myrysh ken oryndary ashylýy múmkin, dep habarlaıdy QazAqparat tilshisi.

«Bul rette, Qazaqstanda jańa ken oryndaryn ashý úshin aıtarlyqtaı perspektıvalar bar. Aqmola jáne Qostanaı oblystarynyń, ortalyq, shyǵys jáne ońtústik óńirlerdiń alańdarynda altynnyń ken oryndary bar. Ortalyq jáne Ońtústik Qazaqstanda, Kendi Altaıda, sondaı-aq Reseı jáne Qytaımen shekaralas alańdarda jańa qorǵasyn-myrysh ken oryndary ashylýy múmkin», - dedi komıtet tóraǵasy ortalyq kommýnıkatsııalar qyzmetinde ótip jatqan brıfıngide.

Onyń sózine qaraǵanda elimizde volfram, molıbden, alıýmınıı, qalaıy sııaqty sırek kezdesetin paıdaly qazbalardyń jańa ken oryndaryn ashý perspektıvalary bar.

«Memleket basshysynyń tapsyrmasy boıynsha 2021-2025 jyldarǵa arnalǵan «Geologııa salasyn damytý» baǵytyn qamtıtyn «Qazaqstandyqtardyń ál-aýqatyn arttyrýǵa baǵyttalǵan ornyqty ekonomıkalyq ósý» ulttyq jobasy qabyldandy. Onyń aıasynda zertteýlerdiń jalpy aýdany 2026 jylǵa qaraı 680 myń sharshy shaqyrymnan asady», - dedi Talǵat Satıev.

Buǵan deıin jazǵanymyzdaı, Qazaqstanda geologııalyq málimet jınaqtalǵan aqparattyq júıe qurylady.



Uqsas jańalyqtar

Jańalyqtar

MURAǴAT