+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Reseı men Ýkraına shıelenisi Qazaqstanǵa tıimsiz – Dáýren Abaev

2019 jylǵy 5 jeltoqsan 21:49
Bólisińiz:
Reseı men Ýkraına shıelenisi Qazaqstanǵa tıimsiz – Dáýren Abaev

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev Memleket basshysy Qasym-Jomart Toqaevtyń «Nemetskaıa volna» teleradıokompanııasyna bergen suhbatyna pikir bildirdi, dep habarlaıdy QazAqparat tilshisi.

«Reseı men Ýkraına shıelenisi Qazaqstanǵa barlyq jaǵynan tıimsiz. Eki halyq ta bizge teń dárejede jaqyn. Reseılikter men ýkraınalyqtar da óz arasynda baýyrlas, ony ózderi de biledi. Sondyqtan, biz shıelenisterdiń tezirek jáne beıbit sheshilýine múddelimiz», - dedi mınıstr «Habar» arnasyndaǵy «Ashyq dıalog» baǵdarlamasynda.

Onyń aıtýynsha, soǵys maıdanda emes, adamdardyń oı-sanasynda júrip jatyr.

«Ne bizben birgesiń, ne jaýsyń» degen ustanym beleń aldy. Al, keleshek kelissózderge zııan keltirmeýdi kózdeıtin kez kelgen ustanym berý áreketi teris qabyldanýda. Negizinde biz sóz ben ıntonatsııalardyń tutqynyna aınaldyq. Bizdiń Prezıdent naǵyz dıplomat retinde anneksııanyń tym aýyr tujyrymdama ekenin aıtty. Ol eshkimdi aıyptaǵan joq, eshkimdi qoldaǵan joq. Qasym-Jomart Kemeluly mundaı sózderdiń baǵasyn túsinip, úzildi-kesildi eshteńe aıtqan joq», - dedi D. Abaev.

Sonymen birge, D. Abaev QR Tuńǵysh Prezıdenti – Elbasy Nursultan Nazarbaevtyń Qazaqstan aýmaǵynda Reseı men Ýkraına basshylary arasynda kelissózder ótkizýdi usynǵanyn eske saldy.

«Aradaǵy osyndaı oqıǵalardan bizdiń elimiz kótergen beıbit bastamalar kóleńkede qalyp qoıdy. Máselen, jaqynda ǵana biz Reseı men Ýkraına basshylary úshin óz alańymyzdy usynǵan edik. Bizdiń bul másele boıynsha áreketimiz – osy», - dedi Dáýren Abaev.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT