+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Reseı men Qazaqstanda óndirilgen «Spýtnık V» vaktsınasynyń sapasynda aıyrmashylyq joq - ǵalym

2021 jylǵy 19 maýsym 19:20
Bólisińiz:
Reseı men Qazaqstanda óndirilgen «Spýtnık V» vaktsınasynyń sapasynda aıyrmashylyq joq - ǵalym

ALMATY. QazAqparat - Molekýlalyq bıolog, bıotehnolog, bıologııa ǵylymdarynyń kandıdaty Іlııas Esmaǵambetov koronavırýsqa qarsy «Spýtnık V» vaktsınasynyń erekshelikteri men tıimdiligi týraly aıtty, dep habarlaıdy QazAqparat tilshisi.

Uqsas jańalyqtar
Shyǵys Qazaqstanda koronavırýstan kóz jumǵandar sany 4 esege azaıdy Jambylda karantın talaptaryn buzǵandardyń tizimi jarııalandy Qaraǵandy oblysynda monıtorıngtik toptar jumysyn kúsheıtti

Іlııas Esmaǵambetov koronavırýske qarsy «Spýtnık V» vaktsınasyn jasaǵan ǵalymdar tobynda jumys istedi. Ol dári óndirýdiń tehnologııalyq shemasyn pysyqtaýmen aınalysty.

Ǵalymnyń aıtýynsha, vaktsına jasaý ádisi 20 jyldan astam ýaqyttan beri bar. Tek aldyn ala tájirıbe men tehnologııalyq shemalardyń arqasynda qysqa merzimde daıyn boldy.

«Shynynda, óndiristik shemalardy iske qosý alǵashqy kezeńde qıyn boldy. Sebebi kóptegen alańdarda buǵan deıin kólemdi óndiris tájirıbesi bolǵan. Bul - Gamaleıa ınstıtýtynda jappaı vaktsınaǵa arnalǵan preparatty shyǵarýdaǵy alǵashqy úlken tájirbıe. Sondyqtan belgili bir qıyndyqtar týyndady», – deıdi ǵalym.

«Spýtnık» vaktsınasyn halyqaralyq taný kezinde, DDU-ny moıyndaýdaǵy qıyndyqtardyń sebepteri týraly suraqqa jaýap bere otyryp, Іlııas Esmaǵambetov DDU-nyń óziniń zańdary men retteýshisi bar ekenin aıtty.

Olar ony saqtaýǵa mindetti jáne belgili bir preparatty osy uıym tanýy úshin tekserýlerden, birqatar saraptama men retteýshi ádisterden ótýi kerek. Bul óte uzaq protsess.

Onyń aıtýynsha, DDU óz sarapshylarymen birge kelip, klınıkalyq zertteýlerdiń barlyq málimetterin tolyq qarap, osy vaktsınany shyǵaratyn barlyq saıttardy baǵalaýy kerek: olar eýropalyq standarttarǵa, sapaǵa sáıkes bolýy úshin DDU sarapshylary esep beredi. Sodan keıin sheshim qabyldaýǵa jaýapty adamdar olardy zerttep, barlyq osy tarmaqtar men standarttarǵa sáıkes kele me, joq pa, sony sheshedi. Bul óte kúrdeli protsess.

«Eýropada vaktsına óndirýshileri júıeni eýropalyq standarttarǵa sáıkes jasady. Tıisinshe, reseılik standarttar álemdik standarttardan ózgeshe bolýy múmkin. Barlyǵyn, sonyń ishinde klınıkalyq zertteýlerdiń hattamalary, barlyq óndiristik erejelerdi aǵylshyn tiline aýdarý kerek. Bul biraz ýaqytty alady. Qytaıda álemdik naryqqa shyǵýǵa aldyn ala daıyndyq boldy. Múmkin Reseı Federatsııasy úshin bul dári osyndaı deńgeıge jetken kezdegi alǵashqy tájirbıe. Árıne, mundaı bıýrokratııalyq rásimder týyndaýy múmkin», – deıdi ǵalym.

Іlııas Esmaǵambetov vaktsına jaıly qoǵamda aıtylyp jatqan qaýesetterge de toqtaldy.

«Áleýmettik jelide vaktsına týraly túsiniksiz beınejazbalar, túrli aqparattar paıda boldy.Onyń eshqaısysy shyndyqqa janaspaıdy. Keıbir ǵylymı dárejesi men ataǵy bar adamdar vaktsınadan keıin adamnyń genetıkalyq túrlenýine alyp keledi deıdi. Bul dáleli joq bos sózder»,-deıdi ol.

Ǵalym Qazaqstanda óndirilgen «Spýtnık V» vaktsınasy reseılik spýtnıkten ózgeshe me degen suraqqa jaýap berdi.

«Dáriniń barlyq partııalary, óndiris ornyna qaramastan, bizge Gamaleıa ınstıtýtyna baqylaýǵa keledi. Parametrlerdiń bir bóligin tikeleı ózim baqylaımyn, sonyń ishinde Qaraǵandy farmatsevtıkalyq kesheniniń partııalary birneshe ret tekserildi. Sondyqtan Reseı men Qazaqstanda óndirilgen preparat sapasynda aıyrmashylyq joq dep aıta alamyn. Sondaı-aq barlyq bastapqy materıaldar Gamaleıa ınstıtýtymen barlyq óndiristik oryndarǵa jetkiziledi», – dedi Іlııas Esmaǵambetov.

Koronavırýsqa qarsy qazaqstandyq vaktsınaǵa keletin bolsaq, bıotehnolog bizdiń preparatty jasaýshylar jaqsy nátıje kórsetkenine senimdi.

«Meniń oıymsha, bul jerde klınıkalyq zertteýlerdiń derekterine nazar aýdarý kerek. Barlyǵyn tolyǵyraq zertteńiz. Biraq Qazaqstanda sapaly analogty jasaı alǵanymyzǵa kúmánim joq», – deıdi spıker.

Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT