Reseı ǵalymdary koronavırýsqa qarsy jańa preparatty synaqtan ótkizip jatyr
2022 jylǵy 16 qańtar 14:34

Reseı ǵalymdary koronavırýsqa qarsy jańa preparatty synaqtan ótkizip jatyr

MÁSKEÝ. TASS-QazAqparat – Reseıdiń Gamaleıa atyndaǵy ortalyǵy monoklondy antıdeneler negizinde jasalǵan koronavırýsqa qarsy preparattyń klınıkalyq zertteýin bastaıdy, ol shamamen úsh jarym-tórt aı ýaqyt alady, dep habarlaıdy QazAqparat reseılik TASS agenttigine silteme jasap.

Bul týraly TASS agenttigine Gamaleıa atyndaǵy ortalyqtyń dırektory Aleksandr Gıntsbýrg málimdedi, dep habarlaıdy QazAqparat.

«Qazir klınıkalyq synaqtar bastaldy. Birinshi jáne ekinshi fazadan ótý kerek, ol shamamen úsh jarym-tórt aı ýaqytty alady. Kóktemniń ekinshi jartysynda osy preparatty qoldanyp kóremiz dep senemin. Alaıda bul preparattyń tıimdi ekeni batystaǵy balamalarynan-aq belgili», - dedi ol.

Budan buryn Gamaleıa atyndaǵy ortalyqtyń jetekshi qyzmetkeri, «Spýtnık V» vaktsınasyn óndirýshilerdiń biri Dmıtrıı eblıakov monoklondy antıdeneler negizinde jasalǵan preparattyń klınıkaǵa deıingi synaq kezinde joǵary nátıje kórsetkenin málimdegen.


Jańalyqtar

MURAǴAT