+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Reseı áskeri Balqash torabynan ketedi

2020 jylǵy 26 tamyz 20:33
Bólisińiz:
Reseı áskeri Balqash torabynan ketedi

NUR-SULTAN. QazAqparat - Qazaqstandyq jáne reseılik birqatar elektrondy BAQ-ta Qazaqstan tarapynyń Balqash torabyn berý sharttary men odan ary paıdalaný tártibi týraly úkimetaralyq kelisimdi buzatyny týraly aqparat tarady. Osyǵan oraı QR Qorǵanys mınıstrliginiń kelisimdi júzege asyrý máselelerin qarastyrý jónindegi ýákili, polkovnık Rýslan Ámirgereev túsinik berdi, dep habarlaıdy QazAqparat tilshisi.

Uqsas jańalyqtar

«2019 jyly Qazaqstannyń Syrtqy ister mınıstrligi Reseı tarapynyń Balqash torabyn paıdalaný jónindegi kelisimdi denonsatsııalaý jospary týraly resmı aqparat aldy. Osy jyldyń shildesinde ǵaryshtyq áskerdiń bas qolbasshysy, general-polkovnık Aleksandr Golovko RF Federatsııasy keńesine usynys jasap, onda Qazaqstan aýmaǵyndaǵy eskirgen «Dnepr» radıolokatsııalyq stansasyn kútip ustaýdyń maqsatqa saı emestigin negizdep berdi. Qazirgi ýaqytta reseılik armııanyń qarý-jaraǵyna jańa «Voronej» radıolokatsııalyq stansasy túsip jatyr. Bul stansa qazirdiń ózinde Barnaýyl men Orsk aýdandarynda ornalastyrylǵan. Óziniń taktıkalyq-tehnıkalyq sıpattamasy boıynsha olar Balqash torabynda ornatylǵan «Dneprden» basym túsedi. Osylaısha, Memlekettik dýma kelisimdi denonsaktsııalaý týraly zańdy qabyldap, RF Federaldyq jınalysynyń Federaldyq keńesi maquldady. Al osy jyldyń 31 maýsymynda Reseı Prezıdenti Vladımır Pýtın qol qoıdy»,- deıdi ol.

Polkovnıktiń atap ótýinshe, kelisim qoldanysy 2020 jyldyń jeltoqsanynda toqtaıdy. Bul rette Balqash torabynyń jer ýchaskesi men múlkin berý-qabyldaý birlesken komıssııa arqyly júzege asyrylady.

Balqash toraby 1964 jyly salynyp, 1973 jyly paıdalanýǵa berilgen. Ol óziniń qoldanys aýmaǵynda áýe jáne ǵarysh keńistigine úzdiksiz barlaý júrgizýge arnalǵan.

Bul burynǵy Keńes odaǵy kúıregennen keıin Qazaqstan aýmaǵynda qalǵan nysandardyń biri sanalady. Torapty Reseı taraby qaıtarymsyz negizde paıdalandy.

«Stansa zamanaýı talaptarǵa saı kelmeıtindikten Qazaqstannyń Qorǵanys mınıstrligi Balqash toraby aýmaǵynan reseılik áskerı bólim shyǵarylǵannan keıin «Dnepr» stansasyn joıý týraly sheshim qabyldady. Buǵan qosa, kelisimniń 6-baby 1-tarmaǵyna sáıkes, RF Úkimeti Qazaqstan Respýblıkasynyń memlekettik jáne áskerı basqarýyndaǵy pýnktterde reseılik júıeden zymyran shabýyly týraly eskertý aqparatyn kórsetetin «Krokýs» apparatyn ornatý mindettemesin alyp otyr», - deıdi Rýslan Ámirgereev.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT