Referendýmǵa onnan astam halyqaralyq uıym akkredıtteldi – SІM
2022 jylǵy 25 mamyr 19:36

Referendýmǵa onnan astam halyqaralyq uıym akkredıtteldi – SІM

NUR-SULTAN. QazAqparat – Maýsymda ótetin referendýmǵa onnan astam halyqaralyq uıym óz baqylaýshylaryn akkredıttedi. Bul týraly QR Premer-Mınıstriniń orynbasary – Syrtqy ister mınıstri Muhtar Tileýberdi aıtty, dep habarlaıdy QazAqparat tilshisi.

Dıplomatııalyq korpýs ókilderimen ótken jınalysta Syrtqy ister mınıstri Qazaqstandaǵy reformalar daǵdarystar men oqıǵalarǵa, onyń ishinde pandemııa, qańtardaǵy tártipsizdikter, álemdegi geosaıası jaǵdaı men onyń ekonomıkaǵa saldaryna qaramastan júrip jatqanyn atap ótti.

«Osy faktorlardyń barlyǵyna qaramastan, bizdiń elimiz damýdyń jańa deńgeıine batyl qadam basyp, jańa Qazaqstanǵa qaraı bet aldy. Biz Úkimet retinde referendýmdy eń úzdik demokratııalyq standarttarǵa sáıkes ádil jáne ashyq túrde ótkizýdi qalaımyz. Biz, Úkimet retinde, halqymyzdyń referendýmda aýqymdy reformalardy qoldaıtynyna úmittenemiz. Qoǵamdyq pikirge jasalǵan saýalnamalar da usynylǵan túzetýlerge qoldaý kórsetip, saılaýshylardyń salystyrmaly túrde kóbirek keledi degen boljam jasaýda. Bul kóńil qýantady», - dedi Muhtar Tileýberdi.

Sonymen birge mınıstr qazaqstandyqtardy óz quqyǵyn paıdalanýǵa jáne aldaǵy referendýmda belsendi daýys berýge shaqyrdy.

«Ult retinde referendým kezinde jáne aldaǵy aılarda reformalyq baǵdarlamamyzǵa halyqaralyq seriktesterden aýqymdy jáne turaqty qoldaý alamyz dep úmittenemiz. Qazirgi ýaqytta onnan astam halyqaralyq uıym men keıbir memleketter referendýmda óz baqylaýshylaryn akkredıttedi», - dedi M. Tileýberdi.

Aıta keteıik, bıyl 5 maýsymda respýblıkalyq referendým ótedi. Onda Konstıtýtsııanyń 33 babyna 56 ózgeris engizý máselesi shyǵarylady.





Uqsas jańalyqtar

Jańalyqtar

MURAǴAT