Referendým arqyly Konstıtýtsııanyń 33 babyna 56 ózgeris engiziledi
2022 jylǵy 12 mamyr 12:47

Referendým arqyly Konstıtýtsııanyń 33 babyna 56 ózgeris engiziledi

NUR-SULTAN. QazAqparat – QR Konstıtýtsııasyna barlyǵy 56 ózgeris engizilgeli otyr. Bul týraly Ádilet vıtse-mınıstri Alma Muqanova aıtty, dep habarlaıdy QazAqparat tilshisi.

«Referendým nátıjesinde Konstıtýtsııanyń 33 baby boıynsha 56 ózgeris engizilmek. Eger onyń árqaısysyn jeke saýal retinde qarastyrsaq, ár azamatqa jeke 56 bıýlleten kerek. ıAǵnı ár azamat 56 bıýlletendi oqyp, bólek-bólek daýys berýine týra keledi. Bıýlletende 1 ǵana saýal bolýdyń sebebi Konstıtýtsııaǵa engiziletin ózgerister bir-birimen tyǵyz baılanysty jáne uqsas. Eger azamat bir ózgeriske qarsy shyqsa, ol ekinshi ózgeriske áserin tıgizedi. Al engizilmek ózgerister bir-birimen ushtasyp jatyr», - dedi Alma Muqanova Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq vıtse-mınıstr qazaqstandyqtardy referendýmǵa belsendi qatysyp, el taǵdyry úshin mańyzdy sheshimdi birge qabyldaýǵa shaqyrdy.

«Árıne, ár azamattyń ózgeristermen kelisýi nemese oǵan qarsy shyǵýy óz tańdaýynda. Eń bastysy, sheshimdi oı súzgisinen ótkizip baryp qabyldaǵan jón. Biz demokratııaly elde ómir súrip jatyrmyz. Sondyqtan tańdaý erki bolýy qajet», - deıdi ol.

Buǵan deıin Alma Muqanova referendýmǵa qatysatyn qazaqstandyqtardyń tizimi jasaqtalyp jatqanyn aıtty.

Eger referendýmda 17 óńirdiń 11-indegi halyq jaqtap daýys berse Konstıtýtsııaǵa ózgeris engiziledi.


Seriktester jańalyqtary

Jańalyqtar

Úrdis

MURAǴAT