+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Rasýl Jumaly: Barlyq jaýapkershilikti Prezıdentke tańyp qoısaq - is nasyrǵa shabady

2020 jylǵy 10 shilde 14:30
Bólisińiz:
Rasýl Jumaly: Barlyq jaýapkershilikti Prezıdentke tańyp qoısaq - is nasyrǵa shabady

NUR-SULTAN. QazAqparat - Búgin ótken Úkimettiń keńeıtilgen otyrysynda Prezıdent Qasym-Jomart Toqaevtyń málimdemelerine qatysty saıasattanýshy Rasýl Jumaly pikir bildirdi, dep habarlaıdy QazAqparat tilshisi.

«Búgin Úkimettiń keńeıtilgen otyrysynda mańyzdy sheshimder jarııalandy. Ásirese, jaýapkershilik, densaýlyq saqtaýǵa qatysty, óz jumysyn durys atqarmaǵan quzyrly mekemelerdiń jumysyn toqtatý týraly aıtyldy. Endi osynyń bári qalaı iske asatyny mańyzdy. Prezıdent osydan 2-3 kún buryn da tikeleı efırde úndeý jarııalaǵan bolatyn. Bul, qajetti nárse. Sebebi koronavırýsqa qatysty jaǵdaı óte aýyr, eldiń jaǵdaıy múshkil. Kún saıyn qaıǵyly jaǵdaılardy estip jatyrmyz», - deıdi Rasýl Jumaly.

Saıasattanýshynyń aıtýynsha, osyndaı jaǵdaıdyń sebebi kóp, biraq birden-bir sebep - aqparattyń jetispeýi.

«Halyq koronavırýspen betpe-bet jalǵyz qaldy. Dál osyndaı qıyn sátte memleket qaıda qaldy, onyń qamqorlyǵy qaıda qaldy? Osyndaı kezeńde óte qajetti aqparat aıtyldy. Endi osy aıtylǵan durys oı, negizdi pikirler iske assa jaqsy. Ókinishke qaraı, aýzymyz talaı kúıdi. Málimdeme jasalyp, orta jolda qalmasa eken. Osyndaı qaýipti jaǵdaıda is nasyrǵa shappas úshin Prezıdent sózin qoldap, onyń qaramaǵyndaǵy barlyq memlekettik qyzmetker osy aıtylǵan dúnıelerdi iske asyrýy kerek. Olar jańasha jumys isteýge qanshalyqty daıyn? Bul - úlken másele. Prezıdent Qasym-Jomart Toqaev qansha ret tikeleı efırge shyǵyp, oryn alǵan jaǵdaıdy óz deńgeıinde qarap, baqylap otyr. Biraq mınıstr, úkimet, ákimderdiń deńgeıine qaraıtyn bolsaq - sol baıaǵy eski saryn. Olar tikeleı efırge shyqpaı, halyq tarapynan syn bolǵannan keıin ǵana Almaty, elorda ákimi málimdeme jasady. Barlyq jaýapkershilikti Prezıdentke tańyp qoıyp, basqa memlekettik organdar úndemeı otyratyn bolsa - is nasyrǵa shabady. Sondyqtan aıtylǵan málimdemelerdiń júzege asýyna qatysty talap qoıý kerek», - deıdi ol.


Foto: vzglyad.az


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT