+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Raqymjan Turysbek: Prezıdenttiń el azamattarynyń qaıǵylaryna ortaqtasyp, kóńil aıtýy - naǵyz el úshin týǵan erge tán qasıet

2020 jylǵy 9 shilde 17:07
Bólisińiz:
Raqymjan Turysbek: Prezıdenttiń el azamattarynyń qaıǵylaryna ortaqtasyp, kóńil aıtýy - naǵyz el úshin týǵan erge tán qasıet

NUR-SULTAN. QazAqparat - QR Prezıdentiniń azamattardyń qaıǵylaryna ortaqtasyp, kóńil aıtýy, 13 shildeni - Ulttyq aza tutý kúni dep jarııalaýy naǵyz el úshin týǵan erge tán qasıet. Bul týraly L.Gýmılev atyndaǵy Eýrazııa ulttyq ýnıversıtetiniń professory, fılologııa ǵylymdarynyń doktory Raqymjan Turysbek aıtty, dep habarlaıdy QazAqparat tilshisi.

Uqsas jańalyqtar
Pýlmonolog koronavırýs balalarǵa qanshalyqty qaýipti ekenin aıtty Almatyda koronovırýs juqtyrǵan 825 adam úıinde em qabyldap jatyr Dárigerler osyndaı: Qostanaılyq dáriger koronavırýspen qalaı kúres júrgizilgeni týraly aıtyp berdi

«Prezıdent Qasym-Jomart Toqaev 8 shilde kúni koronavırýs indetiniń taralýyna qarsy kúres sharalary jóninde úndeý jarııalady. Zeıin qoıyp, bar yqylaspen tyńdadyq. Memleket basshysy úndeýinde qazir álemdegi pandemııaǵa baılanysty qalyptasqan jaǵdaı kúrdelene túsip, koronavırýstyń taralýy báseńdemeı otyrǵanyn, keıbir elderde bul indet qaıtadan ýshyǵyp bara jatqanyn jetkizdi. Demek, Prezıdenttiń aıtyp otyrǵan saqtyq sharalary qaterli indettiń aldyn alýǵa óz septigin tıgizetin asa qajetti sheshim dep bilemin. «Jaǵdaıdyń turaqtalatyny sózsiz. Onyń alǵashqy belgileri de bar. Sondyqtan, aldaǵy eki apta bizdiń bolashaq qadamdarymyz úshin sheshýshi kezeń bolmaq», - degen Qasym-Jomart Kemeluly barlyq azamattardy taǵy da karantın erejelerin qatań saqtaýǵa shaqyrdy. Sonymen qatar álemdi alańdatqan bul indetpen kúrestiń nátıjeli bolýy, eń aldymen, barsha jurttyń sanaly áreketi men jaýapkershiligine baılanysty ekenin aıtty», - dedi ol.

Raqymjan Turysbekov Prezıdent óz sózinde batpandap kirip, mysqaldap shyǵatyn óte qaýipti derttiń taralýyna baılanysty densaýlyq saqtaý júıesine kóp aýyrtpalyq túskenin, biraq bul indetke toıtarys berýge kelgende olardyń daıyn bolmaı shyqqanyn jasyrmaǵandyǵyn basa aıtady. Alaıda, memleket tarapynan barlyq qajetti sharalar qabyldanyp jatqanyn, sol qabyldanǵan sharalar men aq halatty abzal jandardyń arqasynda emdelip shyqqan azamattardyń sany kún saıyn artyp otyrǵanyn atap ótkendigine nazar aýdartady.

«Sondaı-aq Memleket basshysynyń sóz arasynda «Ár qazaq - meniń jalǵyzym» demekshi» dep áńgime bastaýy qamkóńil jandardyń ǵana emes, barsha jurttyń kóńilinen shyqty degen oıdamyn. Óıtkeni, bul mynaý alapat indetten kelgen ár qazanyń Prezıdent júregine qatty batyp jatqanyn ańǵartyp otyr. Oǵan búginde qara jamylyp otyrǵan azamattardyń qaıǵylaryna ortaqtasyp, kóńil aıtýy, sol úshin 13 shildeni - Ulttyq aza tutý kúni dep jarııalaýy naǵyz el úshin týǵan erge tán qasıet», - dedi ǵalym.

Sonymen qatar ol Prezıdent úndeýinde osyndaı kúrdeli jaǵdaı kezinde el arasynda kóptegen jalǵan áńgimeler tarap, teris aqparat taratyp júrgen adamdardyń pándáýı is-áreketterine de toqtalǵanyn, biraq, ýaıym men qaıǵyǵa batyp, túrli qaýesetterge senip, eńseni túsirmeýge, kerisinshe, halyqty salmaqty, sabyrly bolýǵa shaqyrǵandyǵyn basa aıtady.

«Talaı zobalań men synaqty bastan ótkergen, tarıhtyń talaı daýylyna boı bermegen halyq ekenimizdi jáne batyr babalardyń jolyn jalǵaǵan búgingi urpaq ta qazirgi qıyndyqqa tótep beretinine zor senim bildirgen Memleket basshysy Qasym-Jomart Toqaev: «Bálkim, bul bizdiń birligimizdi baıqaý úshin berilgen synaq shyǵar. Bir jeńnen qol, bir jaǵadan bas shyǵaryp, uıymdasa bilsek, bul synnan da ótermiz. «Densaýlyq - zor baılyq» degen halqymyzdyń dana sóziniń qadirin bileıik. Ár azamattyń amandyǵy úshin kúreseıik!» -dedi. Bul «Prezıdent aıtty – bitti» degen sóz emes, bul árbirimizge sanaly áreket pen úlken jaýapkershilik júkteıtinin umytpaǵanymyz jón», - dedi ýnıversıtet professory.




Foto: abaialemi.kz


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT