+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Rahym Oshaqbaev:  Memleket basshysynyń jaýaptylardy synaýy barlyq jaǵynan ádil boldy

2020 jylǵy 10 shilde 18:41
Bólisińiz:
Rahym Oshaqbaev:  Memleket basshysynyń jaýaptylardy synaýy barlyq jaǵynan ádil boldy

NUR-SULTAN. QazAqparat – «Talap» qoldanbaly zertteýler ortalyǵynyń dırektory Rahym Oshaqbaev MÁMS qoryn qysqartyp, qarajatty memlekettik bıýdjetke qaıtarýdy usyndy, dep habarlaıdy QazAqparat tilshisi.

«Búgingi otyrys týraly aıtar bolsaq, eń basty qorytyndy – Prezıdent naqty túrde memlekettik apparattyń koronavırýs pandemııasymen kúreste qaýqarsyzdyq tanytyp otyrǵanyn aıtty. Biz, ıaǵnı Qazaqstan halqy osy olqylyqtyń zardabyn kórip otyrmyz. Bir aıdan beri ózińiz kórip otyrǵandaı bizde qoljetimdi PTR test te jol qoıylǵan joq. Aýrý belgisi bar bolsyn, joq bolsyn – halyq PTR test ótkize alatyndaı júıe rettelmegen. Dári-dármekti satyp alýda da problema bar. Aqparattyq haos sıpatynda da problema eńserilmeı keledi. Qalaı emdelý kerek, ne isteý kerek – túsiniksiz. Qazir búkil el osy aptada Elena Malyshevanyń hattamasymen emdelip ketti. Bolmasa qytaı dárisin izdeý ústinde. Al bizdiń hattamany qaıta-qaıta ózgere berdi», - deıdi Rahym Oshaqbaev.

Sarapshynyń aıtýyna qaraǵanda Densaýlyq saqtaý mınıstrligi osylaısha halyqpen kommýnıkatsııalyq baılanys jasaý turǵysynan qatelik jibergen.

«Sonymen birge statıstıkaǵa baılanysty úlken másele baryn kórip otyrsyz. Ol shynaıy emes. Ol týraly iri sarapshylar da aıta bastady. Kúni keshe ekonomıst Sergeı Gýrıevpen dóńgelek ústel ótkizgen kezde ol da Qazaqstannyń málimetine senbeıtinin jetkizdi. Rasynda da, Densaýlyq saqtaý mınıstrliginiń burynǵy basshylyǵy tipti statıstıkalyq málimetterdiń qoryn da jınaı almaǵanyn kórip otyrmyz. Qazir osy suraq aınalyp kelip mınıstrliktiń qazirgi basshylyǵyna qoıylýda. Ol da (Alekseı Tsoı) jóndi jaýap bere qoıǵan joq. ıAǵnı bizdiń elde koronavırýs pen pnevmonııadan qansha adamnyń qaıtys bolǵanyn naqty bilmeımiz», - dedi ol.

Rahym Oshaqbaev osylaısha bazalyq fýnktsııalardyń ózi retti sıpatta júrgizilmeı, qazir bárimiz de ýaqyt ótkizip aldyq deıdi. Sarapshynyń sózinshe, osynyń saldarynan kóktemgi eki aılyq karantın aıtarlyqtaı nátıje bermegen.

«Memleket basshysynyń búgin jaýaptylardy osylaı synaýdan basqa amaly da qalmady. Dál osyndaı jaǵdaıda kvazımemlekettik qor basshylarynyń «qymbat ómiri» álbette halyqtyń ashý-yzasyn odan ary údete túsedi. Sondyqtan MÁMS qorynyń basshysynyń otstavkaǵa ketýi – óte ádiletti sheshim», - deıdi ol.

Sarapshy 2017 jyly osy qorlar qurylǵan kezde-aq burynǵy Densaýlyq saqtaý mınıstri Eljan Birtanovpen bolǵan debatyn eske aldy.

«Ol kezde osy qorlardyń qurylýyna qatań synǵa alyp edim. Qordyń qymbat keńseleri men kólikteri, joǵary aılyqtaryn, esep berý isteriniń azdyǵyn aıtqan edik. Ókinishke qaraı MÁMS qorynyń qazir de paıdasy joq. Medıtsınalyq qyzmetter tólemi komıtetiniń burynǵy fýnktsııalaryn oryndap qana otyr. Biraq ol mindetti aıtarlyqtaı qymbatqa júrgizýde. 200 adamdyq ujymdy ustap turý úshin 3 jylda 13 mlrd teńge ketken. Túsinesiz be? Sol sebepti qazir menińshe qordy qysqartyp, zııandy reformadan bas tartý kerek. Ol reforma iske asyrylmady. Múmkin de emes edi. Máselen sizde jumys berýshimen eńbek kelisimsharty bar. Ol arqyly MÁMS qoryna aqsha aýdarylady. Al siz sol qordyń kómegin sezindińiz be? Eshkim de baıqamady da. Qazir densaýlyqqa jumsap jatqan aqshanyń bári qaltamyzdan shyǵyp jatyr. Túk paıdasy joq. Aqshany bıýdjetke qaıtarý kerek. Burynǵy komıtetti qaıtaryp, qarajatty qatań qadaǵalaýǵa alý kerek», - dedi ol.

Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen búgingi otyrysynda ÁMS qory men «SK Farmatsııa» basshylaryn jumystan shyǵarýdy tapsyrǵan bolatyn.

«Týyndaǵan qıyndyqqa kinálilerdiń bárine qatysty tergeý júrgizý kerek. Jaýapkershilikke tartqan durys. MÁMS qory men «SK Farmatsııa» basshylary jumystan shyǵarylsyn. Kerek bolsa tergeý júrgizgen jón», - dedi Qasym-Jomart Toqaev.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT